Wycliffe Bible

Numbers 15

The law of the meat offering and the drink offering.

Numbers 15:1 And the Lord spak to Moises, and seide, Speke thou to the sones of Israel, Numbers 15:2 and thou schalt seie to hem, Whanne ye han entrid in to the lond of youre abitacioun which Y schal yyue to you, Numbers 15:3 and ye make an offryng to the Lord in to brent sacrifice, ether a pesible sacrifice, and ye payen auowis, ethir offren yiftis bi fre wille, ethir in youre solempnytees ye brennen odour of swetnesse to the Lord, of oxun, ether of scheep; Numbers 15:4 who euer offrith the slayn sacrifice, schal offre a sacrifice of flour, the tenthe part of ephi, spreynt togidere with oile, which oil schal haue a mesure the fourthe part of hyn; Numbers 15:5 and he schal yyue wyn to fletynge sacrifices to be sched, of the same mesure, in to brent sacrifice, and slayn sacrifice. Numbers 15:6 Bi ech loomb and ram schal be the sacrifice of flour, of twey tenthe partis, which schal be spreynt togidere with oile, of the thridde part of hyn; Numbers 15:7 and he schal offre wyn to the fletynge sacrifice, of the thridde part of the same mesure, in to odour of swetnesse to the Lord. Numbers 15:8 Forsothe whanne thou makist a brent sacrifice, ethir an offryng of oxun, that thou fille avow, ethir pesible sacrifice, thou schalt yyue, Numbers 15:9 bi ech oxe, thre tenthe partis of flour, spreynt togidere with oile, which schal haue the half of mesure of hyn; Numbers 15:10 and thou schalt yyue wyn to fletynge sacrifices to be sched, of the same mesure, in to offryng of the swettest odour to the Lord. Numbers 15:11 So ye schulen do bi ech oxe, and ram, and lomb, and kide; Numbers 15:12 {Absent from this edition.} Numbers 15:13 as wel men borun in the lond,

The stranger is under the same law.

Numbers 15:14 as pilgrymys, schulen offre sacrifices bi the same custom; Numbers 15:15 {Absent from this edition.} Numbers 15:16 o comaundement and doom schal be, as wel to you as to comelyngis of the lond.

The law of the first of the dough for an heave offering.

Numbers 15:17 And the Lord spak to Moises, and seide, Numbers 15:18 Speke thou to the sones of Israel, and thou schalt seie to hem, Whanne ye comen in to the lond which Y schal yyue to you, Numbers 15:19 and ye eten of the looues of that cuntrey, ye Numbers 15:20 schulen departe the firste fruytis of youre metis to the Lord; as ye schulen departe the firste fruytis of corn flooris, Numbers 15:21 so ye schulen yyue the firste fruytis also of sewis to the Lord.

The sacrifice for sin of ignorance.

Numbers 15:22 That if bi ignoraunce ye passen ony of tho thingis whiche the Lord spak to Moyses, Numbers 15:23 and comaundide bi hym to you, fro the dai in which he bigan to comaunde, Numbers 15:24 and ouer, and the multitude hath foryete to do, it schal offre a calf of the drooue, brent sacrifice in to swettist odour to the Lord, and the sacrificis therof, and fletynge offryngis, as the cerymonyes therof axen; and it schal offre a buc of geet for synne. Numbers 15:25 And the preest schal preie for al the multitude of the sones of Israel, and it schal be foryouun to hem, for thei synneden not wilfuli. And neuerthelesse thei schulen offre encense to the Lord for hemsilf, and for her synne and errour; Numbers 15:26 and it schal be foryouun to al the puple of the sones of Israel, and to comelyngis that ben pilgryms among hem, for it is the synne of al the multitude bi ignoraunce.

Numbers 15:27 That if a soule synneth vnwityngli, it schal offre a geet of o yeer for his synne; and the preest schal preye for that soule, for it synnede vnwityngli bifor the Lord; Numbers 15:28 and the preest schal gete foryyuenesse to it, and synne schal be foryouun to it.

The stranger is under the same law.

Numbers 15:29 As wel to men borun in the lond as to comelyngis, o lawe schal be of alle that synnen vnwityngli.

The punishment of presumption.

Numbers 15:30 Forsothe a man that doith ony synne bi pride, schal perische fro his puple, whether he be a citeseyn, ethir a pilgrym, for he was rebel ayens the Lord; Numbers 15:31 for he dispiside the word of the Lord, and made voide his comaundement; therfor he schal be doon awei, and schal bere his owne wickidnes.

He that violated the Sabbath is stoned.

Numbers 15:32 Forsothe it was doon, whanne the sones of Israel weren in wildirnesse, and hadde founde a man gaderynge woode in the day of sabat, Numbers 15:33 thei brouyten hym to Moises, and to Aaron, and to al the multitude; whiche closiden hym in to prisoun, Numbers 15:34 and wisten not what thei schulden do of hym. Numbers 15:35 And the Lord seide to Moises, This man die bi deeth; al the cumpeny oppresse hym with stoonus with out the tentis. Numbers 15:36 And whanne thei hadden led hym with out forth, thei oppressiden him with stoonus, and he was deed, as the Lord comaundide.

The law of fringes.

Numbers 15:37 Also the Lord seide to Moises, Numbers 15:38 Speke thou to the sones of Israel, and thou schalt seye to hem, that thei make to hem hemmes bi foure corneris of mentils, and sette laces of iacynct in tho; Numbers 15:39 and whanne thei seen thoo, haue thei mynde of alle comaundementis of the Lord, lest thei suen her thouytis and iyen, doynge fornycacioun bi dyuerse thingis; Numbers 15:40 but more be thei myndeful of the Lordis heestis, and do thei tho, and be thei hooli to her God. Numbers 15:41 Y am youre Lord God, which ledde you out of the lond of Egipt, that Y schulde be youre God.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!