Wycliffe Bible

Numbers 17

Aaron's rod among all the rods of the tribes only flourisheth.

Numbers 17:1 And the Lord spak to Moises, and seide, Speke thou to the sones of Israel, Numbers 17:2 and take thou yerdis, bi her kynredis, bi ech kynrede o yeerde, take thou of alle the princes of the lynagis twelue yerdis; and thou schalt write the name of each lynage aboue his yerde; Numbers 17:3 forsothe the name of Aaron schal be in the lynage of Leuy, and o yerde schal conteyne alle the meynees of hem. Numbers 17:4 And thou schalt putte tho yerdis in the tabernacle of boond of pees, bifor the witnessyng, where Y schal speke to thee; the yerde of hym schal buriowne, whom Y schal chese of hem; Numbers 17:5 and Y schal refreyne fro me the playnyngis of the sones of Israel, bi whiche thei grutchen ayens you.

Numbers 17:6 And Moyses spak to the sones of Israel; and alle princes yauen to hym yerdis, bi alle lynagis; and the yerdis weren twelue, without the yerde of Aaron. Numbers 17:7 And whanne Moises hadde put tho yerdis bifor the Lord, in the tabernacle of witnessyng, he yede ayen in the day suynge, Numbers 17:8 and founde that the yerde of Aaron, in the hows of Leuy, buriounnede; and whanne knoppis weren greet, the blossoms hadden broke out, whiche weren alargid in leeuys, and weren fourmed in to alemaundis. Numbers 17:9 Therfor Moyses brouyte forth alle the yerdis fro the siyt of the Lord to al the sones of Israel; and thei sien, and resseyueden ech his yerde.

It is left for a monument against the rebels.

Numbers 17:10 And the Lord seide to Moises, Bere ayen the yerde of Aaron in to the tabernacle of witnessyng, that it be kept there in to the signe of the rebel sones of Israel, and that her playntis reste fro me, lest thei dien. Numbers 17:11 And Moises dide, as the Lord comaundide. Numbers 17:12 Forsothe the sones of Israel seiden to Moises, Lo! we ben wastid, alle we perischiden; Numbers 17:13 who euer neiyeth to the tabernacle of the Lord, he dieth; whethir we schulen be doon awei alle til to deeth?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!