Wycliffe Bible

Numbers 25

Israel at Shittim commit whoredom and idolatry.

Numbers 25:1 Forsothe in that tyme Israel dwellide in Sechym; and the puple dide fornycacioun with the douytris of Moab; Numbers 25:2 whiche douytris clepiden hem to her sacrifices, and thei eten, and worschipiden the goddis of tho douytris; Numbers 25:3 and Israel made sacrifice to Belphegor. And the Lord was wrooth, Numbers 25:4 and seide to Moises, Take thou alle the princes of the puple, and hange hem ayens the sunne in iebatis, that my wodnesse, that is stronge veniaunce, be turned awai fro Israel. Numbers 25:5 And Moises seide to the iugis of Israel, Ech man sle his neiyboris, that maden sacrifice to Belphagor.

Phinehas killeth Zimri and Cozbi.

Numbers 25:6 And, lo! oon of the sones of Israel entride bifor his britheren to an hoore of Madian, in the siyt of Moises, and al the cumpeny of the sones of Israel, whiche wepten bifor the yatis of the tabernacle. Numbers 25:7 And whanne Phynees, the sone of Eleazar, sone of Aaron, preest, hadde seyn this, he roos fro the myddis of the multitude; and whanne he hadde take a swerd, Numbers 25:8 he entride aftir the man of Israel in to the hoore hows, and stikide thorou both togidere, that is, the man and the womman, in the places of gendryng. And the veniaunce ceesside fro the sones of Israel, Numbers 25:9 and foure and twenti thousand of men weren slayn.

God therfore giveth him an everlasting priesthood.

Numbers 25:10 And the Lord seide to Moises, Numbers 25:11 Fynees, the sone of Eleazar, sone of Aaron, preest, turnede away myn yre fro the sones of Israel; for he was stirid ayens hem bi my feruent loue, that Y my silf schulde not do awai the sones of Israel in my greet hete, ether strong veniaunce. Numbers 25:12 Therfor speke thou to hym, Lo! Y yyue to hym the pees of my couenaunt, Numbers 25:13 and it schal be an euerlastynge couenaunt of preesthod, as wel to hym silf as to his seed; for he louyde feruentli for his God, and he clenside the greet trespas of the sones of Israel. Numbers 25:14 Forsothe the name of the man of Israel, that was slayn with the womman of Madian, was Zambri, the sone of Salu, duyk of the kynrede and lynage of Symeon. Numbers 25:15 Forsothe the womman of Madian that was slayn togidere, was clepid Cobri, the douyter of Sur, the nobleste prince of Madianytis.

The Midianites are to be vexed.

Numbers 25:16 And the Lord spak to Moises and seide, Numbers 25:17 Madianytis feele you enemyes, and smyte ye hem; Numbers 25:18 for also thei diden enemyliche ayens you, and disseyueden thorow tresouns, bi the idol of Phegor, and bi the douyter of Corbri, duyk of Madian, her sister, which douyter was sleyn in the dai of veniaunce, for the sacrilege of Phegor.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!