Wycliffe Bible

Numbers 28

Offerings are to be observed.

Numbers 28:1 Also the Lord seide to Moises, Comaunde thou to the sones of Israel, and thou schalt seie to hem, Numbers 28:2 Offre ye bi her tymes myn offryng, and looues, and encense of swettist odour.

The continual burnt offering.

Numbers 28:3 These ben the sacrificis whiche ye owen to offre; twey lambren of o yeer, with out wem, ech dai in to euerlastynge brent sacrifice. Numbers 28:4 Ye schulen offre oon eerli, and the tother at euentid. Numbers 28:5 Ye schulen offre the tenthe part of ephi of floure, which be spreynt with pureste oile, and haue the fourthe part of hyn. Numbers 28:6 It is continuel brent sacrifice, which ye offriden in the hil of Synai, in to odour of swettiste encense to the Lord. Numbers 28:7 And ye schulen offre the fourthe part of hyn of wyn, bi ech lomb, in the seyntuarie of the Lord. Numbers 28:8 And ye schulen offre in lijk maner the tother lomb at euentid, bi al the custom of the morewe sacrifice, and of moist sacrifices therof, an offryng of swettist odour to the Lord.

The offering on the Sabbath,

Numbers 28:9 Forsothe in the dai of sabat ye schulen offre twey lambren of o yeer, without wem, and twei tenthe partis of flour spreynt togidere with oile, in sacrifice, and ye schulen offre moiste sacrificis that ben sched bi custom, Numbers 28:10 bi alle sabatis, in to euerlastynge brent sacrifice.

on the new moons,

Numbers 28:11 Forsothe in calendis, that is, in the bigynnyngis of monethis, ye schulen offre brent sacrifice to the Lord, tweyne calues of the droue, o ram, seuene lambren of o yeer, without wem, Numbers 28:12 and thre tenthe partis of flour spreynt to gidere with oile, in sacrifice, bi ech calf, and twey tenthe partis of flour spreynt to gidere with oile, bi ech ram; Numbers 28:13 and the tenthe part of a dyme of flour of oile in sacrifice, bi ech lomb; it is brent sacrifice of swetist odour, and of encense to the Lord. Numbers 28:14 Forsothe the moiste sacrifices of wyn, that schulen be sched bi alle slayn sacrificis, schulen be these; the half part of hyn bi ech calf, the thridde part bi a ram, the fourthe part bi a lomb; this schal be brent sacrifices bi ech monethe, that comen oon aftir anothir while the yeer turneth. Numbers 28:15 Also a buc of geet schal be offrid to the Lord for synnes, in to euerlastynge brent sacrifice, with his moiste offryngis.

at the Passover,

Numbers 28:16 Forsothe in the firste monethe, in the fouretenthe dai of the monethe, schal be phase, that is, pask ethir passyng, of the Lord; Numbers 28:17 and in the fiftenthe day schal be the solempnyte of the therf looues. Bi seuene daies ye schulen ete therf looues; Numbers 28:18 of whiche the firste dai schal be worschipful and hooli; ye schulen not do ony seruyle werk therynne. Numbers 28:19 And ye schulen offre brent sacrifice to the Lord, twey calues, o ram, seuene lambren of o yeer, without wem; Numbers 28:20 and the sacrifices of ech bi itsilf of flour, which be spreynt to gidere with oile, thre tenthe partis bi ech calf, Numbers 28:21 and twey tenthe partis bi a ram, and the tenthe part of a dyme bi ech lomb, that is, bi seuene lambren. Numbers 28:22 And ye schulen offre o buc of geet for synne, that clensyng be maad for you, Numbers 28:23 outakun the brent sacrifice of the morewtid, which ye schulen offre euere. Numbers 28:24 So ye schulen do bi ech dai of seuene daies, into the nurschyng of fier, and in to swettist odour to the Lord, that schal rise of the brent sacrifice, and of moiste sacrifices of ech. Numbers 28:25 Also the seuenthe day schal be moost solempne and hooli to you; ye schulen not do ony seruyle werk ther ynne.

in the day of firstfruits.

Numbers 28:26 Also the dai of the firste fruytis, whanne ye schulen offre newe fruitis to the Lord, whanne the wokis schulen be fillyd, schal be worschipful and hooli; ye schulen not do ony seruyle werk ther ynne. Numbers 28:27 And ye schulen offre brent sacrifice to the Lord, in to swettiste odour; twey calues of the droue, o ram, and seuene lambren of o yeer, with out wem; Numbers 28:28 and in the sacrifices of tho ye schulen offre thre tenthe partis of flour spreynt togidere with oile, bi ech calf, twei tenthe partis bi rammes, Numbers 28:29 the tenthe parte of a dyme bi the lambren, whiche ben to gidere, seuene lambren. Numbers 28:30 And ye schulen offre a buc of geet, which is offrid for clensyng, Numbers 28:31 outakun brent sacrifice euerlastynge, and the moiste sacrifices therof; ye schulen offre alle thingis with out wem, with her moyste sacrifices.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!