Wycliffe Bible

Numbers 33

Two and forty journeys of the Israelites.

Numbers 33:1 These ben the dwellyngis of the sones of Israel, that yeden out of the lond of Egipt, bi her cumpenyes, in the hond of Moises and of Aaron; Numbers 33:2 whiche dwellyngis Moises discriuede bi the places of tentis, that weren chaungid bi comaundement of the Lord. Numbers 33:3 Therfor the sones of Israel yeden forth in an hiy hond fro Ramesses, in the firste monethe, in the fiftenthe dai of the firste monethe, in the tother dai of pask, while alle Egipcians sien, Numbers 33:4 and birieden the firste gendrid children, whiche the Lord hadde slayn; for the Lord hadde take veniaunce also on the goddis of hem. Numbers 33:5 The sones of Israel settiden tentis in Socoth, Numbers 33:6 and fro Sochoth thei camen into Etham, which is in the laste coostis of the wildirnesse; fro thennus thei yeden out, Numbers 33:7 and camen ayens Phiayroth, whiche biholdith Beelsephon, and settiden tentis bifor Magdalun. Numbers 33:8 And thei yeden forth fro Phiairoth, and passiden bi the myddil see in to the wildirnesse, and thei yeden thre daies bi the deseert of Ethan, and settiden tentis in Mara. Numbers 33:9 And thei yeden forth fro Mara, and camen in to Helym, where weren twelue wellis of watir, and seuenti palm trees; and there thei settiden tentis. Numbers 33:10 But also thei yeden out fro thennus, and settiden tentis on the Reed See. And thei yeden forth fro the Reed See, Numbers 33:11 and settiden tentis in the deseert of Syn, Numbers 33:12 fro whennus thei yeden out, and camen in to Depheca. Numbers 33:13 And thei yeden forth fro Depheca, and settiden tentis in Haluys. Numbers 33:14 And thei yeden forth fro Haluys, and settiden tentis in Raphidyn, where watir failide to the puple to drinke. Numbers 33:15 And thei yeden forth fro Raphidyn, and settiden tentis in the deseert of Synai. Numbers 33:16 But also thei yeden out of the wildirnesse of Synay, and camen to the Sepulcris of Coueitise. Numbers 33:17 And thei yeden forth fro the Sepulcris of Coueytise, and settiden tentis in Asseroth. Numbers 33:18 And fro Asseroth thei camen in to Rethma. Numbers 33:19 And thei yeden forth fro Rethma, and settiden tentis in Remon Phares; Numbers 33:20 fro whennus thei yeden forth, and camen in to Lemphna. Numbers 33:21 And fro Lemphna thei settiden tentis in Ressa. Numbers 33:22 And thei yeden out fro Ressa, and camen into Celatha; Numbers 33:23 fro whennus thei yeden forth, and settiden tentis in the hil of Sepher. Numbers 33:24 Thei yeden out fro the hil of Sepher, and camen in to Arada; Numbers 33:25 fro thennus thei yeden forth, and settiden tentis in Maceloth. Numbers 33:26 And thei yeden forth fro Maceloth, and camen in to Caath. Numbers 33:27 Fro Caath thei settiden tentis in Thare; Numbers 33:28 fro whennus thei yeden out, and settiden tentis in Methcha. Numbers 33:29 And fro Methcha thei settiden tentis in Esmona. Numbers 33:30 And thei yeden forth fro Asmona, and camen in to Moseroth; Numbers 33:31 and fro Moseroth thei settiden tentis in Benalachan. Numbers 33:32 And thei yeden forth fro Benalachan, and camen in to the hil of Galgad; Numbers 33:33 fro whennus thei yeden forth, and settiden tentis in Jethebacha. Numbers 33:34 And fro Jethebacha thei camen in to Ebrona. Numbers 33:35 And thei yeden out fro Ebrona, and settiden tentis in Asiongaber; Numbers 33:36 fro thennus thei yeden forth, and camen in to deseert of Syn; this is Cades. Numbers 33:37 And thei yeden fro Cades, and thei settiden tentis in the hil of Hor, in the laste coostis of the lond of Edom. Numbers 33:38 And Aaron, the preest, stiede in to the hil of Hor, for the Lord comaundide, and there he was deed, in the fourti yeer of the goyng out of the sones of Israel fro Egipt, in the fyuethe monethe, in the firste dai of the monethe; Numbers 33:39 whanne he was of an hundrid and thre and twenti yeer. Numbers 33:40 And Chanaan, kyng of Arad, that dwellide at the south, in the lond of Canaan, herde that the sones of Israel camen. Numbers 33:41 And thei yeden forth fro the hil of Hor, and settiden tentis in Salmona; Numbers 33:42 fro thennus thei yeden forth, and camen in to Phynon. Numbers 33:43 And thei yeden forth fro Phynon, and settiden tentis in Oboth. Numbers 33:44 And fro Oboth thei camen in to Neabarym, that is, into the wildirnesse of Abarym, which is in the endis of Moabitis. Numbers 33:45 And thei yeden forth fro Neabarym, and thei settiden tentis in Dibon of Gad; Numbers 33:46 fro whennus thei yeden forth, and settiden tentis in Helmon of Deblathaym. Numbers 33:47 And thei yeden out fro Helmon of Deblathaym, and camen to the hillis of Abarym, ayens Nabo. Numbers 33:48 And thei yeden forth fro the hillis of Abarym, and passiden to the feeldi places of Moab, ouer Jordan, ayens Jericho. Numbers 33:49 And there thei settiden tentis, fro Bethsymon til to Belsathym, in the pleynere places of Moabitis,

The Canaanites are to be destroyed.

Numbers 33:50 where the Lord spak to Moises, Numbers 33:51 Comaunde thou to the sones of Israel, and seie thou to hem, Whanne ye han passid Jordan, and han entrid in to the lond of Canaan, Numbers 33:52 distrie ye alle the dwelleris of that cuntrey; breke ye the titlis, that is, auteris, and dryue ye to poudre the ymagis, and distrie ye alle heiy thingis, Numbers 33:53 and clense ye the lond, and alle men dwellynge thereynne. For Y yaf to Numbers 33:54 you that lond into possessioun whiche ye schulen departe to you bi lot; to mo men ye schulen yyue largere lond, and to fewere men streytere lond, as lot fallith to alle men, so eritage schal be youun; possessioun schal be departid bi lynagis and meynees. Numbers 33:55 But if ye nylen sle the dwelleris of the lond, thei, that abiden, schulen be to you as nailes in the iyen, and speris in the sidis, that is, deedli aduersaries; and thei schulen be aduersaries to you in the lond of youre abitacioun; Numbers 33:56 and what euer thing Y thouyte to do to hem, Y schal do to you.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!