Wycliffe Bible

Numbers 36

The inconvenience of the inheritance of daughters,

Numbers 36:1 Forsothe and the princes of the meynees of Galaad sone of Machir, sone of Manasses, of the generacioun of the sones of Joseph, neiyiden, and spaken to Moises bifor the princes of Israel, Numbers 36:2 and seiden, The Lord comaundide to thee oure lord, that thou schuldist departe the lond bi lot to the sones of Israel, and that thou schuldist yyue to the douytris of Salphaat, oure brothir, possessioun due to the fadir. Numbers 36:3 And if men of anothir lynage schulen take to wyues these douytris, her possessioun schal sue, and it schal be translatid to anothir lynage, and schal be decreessid fro oure eritage; Numbers 36:4 and so it schal be doon, that whanne the iubilee, that is, the fiftithe yeer of remyssioun, cometh, the departyng of lottis be schent, and that the possessioun of othere men passe to othere men.

is remedied by marrying in their own tribes,

Numbers 36:5 Moises answeride to the sones of Israel, and seide, for the Lord comaundide, The lynage of the sones of Joseph spak riytfuli, Numbers 36:6 and this lawe is denounsid of the Lord on the douytris of Salphaat; be thei weddid to whiche men thei wolen, oneli to the men of her lynage;

lest the inheritance should be removed from the tribe.

Numbers 36:7 lest the possessioun of the sones of Joseph be meddlid fro lynage in to lynage. For alle men schulen wedde wyues of her lynage and kynrede; Numbers 36:8 and alle wymmen schulen take hosebondis of the same lynage, that the erytage dwelle in meynees, Numbers 36:9 and lynagis be not meddlid to hem silf, but dwelle so,

The daughters of Zelophehad marry their father's brothers' sons.

Numbers 36:10 as tho ben departid of the Lord. And the douytris of Salphaat diden, as it was comaundid to hem. Numbers 36:11 And Maala, and Thersa, and Egla, and Melcha, and Noha, weren weddid to the sones of her fadris brother, Numbers 36:12 of the meynee of Manaasses, that was the sone of Joseph, and the possessioun that was youun to hem, dwellide in the lynage and meynee of her fadir. Numbers 36:13 These ben the comaundementis and domes, whiche the Lord comaundide, bi the hond of Moyses, to the sones of Israel, in the feeldi places of Moab, aboue Jordan, ayens Jericho.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!