Wycliffe Bible

Proverbs 13

Sundry observations of moral virtues, and their contrary vices (10-24).

Proverbs 13:1 A wijs sone is the teching of the fadir; but he that is a scornere, herith not, whanne he is repreuyd. Proverbs 13:2 A man schal be fillid with goodis of the fruit of his mouth; but the soule of vnpitouse men is wickid. Proverbs 13:3 He that kepith his mouth, kepith his soule; but he that is vnwar to speke, schal feel yuels. Proverbs 13:4 A slow man wole, and wole not; but the soule of hem that worchen schal be maad fat. Proverbs 13:5 A iust man schal wlate a fals word; but a wickid man schendith, and schal be schent. Proverbs 13:6 Riytfulnesse kepith the weie of an innocent man; but wickidnesse disseyueth a synnere. Proverbs 13:7 A man is as riche, whanne he hath no thing; and a man is as pore, whanne he is in many richessis. Proverbs 13:8 Redempcioun of the soule of man is hise richessis; but he that is pore, suffrith not blamyng. Proverbs 13:9 The liyt of iust men makith glad; but the lanterne of wickid men schal be quenchid. Proverbs 13:10 Stryues ben euere a mong proude men; but thei that don alle thingis with counsel, ben gouerned bi wisdom. Proverbs 13:11 Hastid catel schal be maad lesse; but that that is gaderid litil and litil with hond, schal be multiplied. Proverbs 13:12 Hope which is dilaied, turmentith the soule; a tre of lijf is desir comyng. Proverbs 13:13 He that bacbitith ony thing, byndith hym silf in to tyme to comynge; but he that dredith the comaundement, schal lyue in pees. Proverbs 13:14 The lawe of a wise man is a welle of lijf; that he bowe awei fro the falling of deth. Proverbs 13:15 Good teching schal yyue grace; a swolowe is in the weie of dispiseris. Proverbs 13:16 A fel man doith alle thingis with counsel; but he that is a fool, schal opene foli. Proverbs 13:17 The messanger of a wickid man schal falle in to yuel; a feithful messanger is helthe. Proverbs 13:18 Nedynesse and schenschip is to him that forsakith techyng; but he that assentith to a blamere, schal be glorified. Proverbs 13:19 Desir, if it is fillid, delitith the soule; foolis wlaten hem that fleen yuels. Proverbs 13:20 He that goith with wijs men, schal be wijs; the freend of foolis schal be maad lijk hem. Proverbs 13:21 Yuel pursueth synneris; and goodis schulen be yoldun to iust men. Proverbs 13:22 A good man schal leeue aftir him eiris, sones, and the sones of sones; and the catel of a synnere is kept to a iust man. Proverbs 13:23 Many meetis ben in the new tilid feeldis of fadris; and ben gaderid to othere men with out doom. Proverbs 13:24 He that sparith the yerde, hatith his sone; but he that loueth him, techith bisili. Proverbs 13:25 A iust man etith, and fillith his soule; but the wombe of wickid men is vnable to be fillid.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!