Wycliffe Bible

Proverbs 4

Solomon, to persuade obedience,

Proverbs 4:1 Sones, here ye the teching of the fadir; and perseiue ye, that ye kunne prudence. Proverbs 4:2 Y schal yyue to you a good yifte; forsake ye not my lawe.

sheweth what instruction he had of his parents,

Proverbs 4:3 For whi and Y was the sone of my fadir, a tendir sone, and oon gendride bifore my modir. Proverbs 4:4 And my fadir tauyte me, and seide, Thin herte resseyue my wordis; kepe thou myn heestis, and thou schalt lyue.

to study wisdom,

Proverbs 4:5 Welde thou wisdom, welde thou prudence; foryete thou not, nethir bowe thou awey fro the wordis of my mouth. Proverbs 4:6 Forsake thou not it, and it schal kepe thee; loue thou it, and it schal kepe thee. Proverbs 4:7 The bigynnyng of wisdom, welde thou wisdom; and in al thi possessioun gete thou prudence. Proverbs 4:8 Take thou it, and it schal enhaunse thee; thou schalt be glorified of it, whanne thou hast biclippid it. Proverbs 4:9 It schal yyue encresyngis of graces to thin heed; and a noble coroun schal defende thee. Proverbs 4:10 Mi sone, here thou, and take my wordis; that the yeris of lijf be multiplied to thee. Proverbs 4:11 Y schal schewe to thee the weie of wisdom; and Y schal lede thee bi the pathis of equyte. Proverbs 4:12 In to whiche whanne thou hast entrid, thi goyngis schulen not be maad streit; and thou schalt rennen, and schalt not haue hirtyng. Proverbs 4:13 Holde thou teching, and forsake it not; kepe thou it, for it is thi lijf.

and to shun the path of the wicked.

Proverbs 4:14 Delite thou not in the pathis of wyckid men; and the weie of yuele men plese not thee. Proverbs 4:15 Fle thou fro it, and passe thou not therbi; bowe thou awei, and forsake it. Proverbs 4:16 For thei slepen not, no but thei han do yuele; and sleep is rauyschid fro hem, no but thei han disseyued. Proverbs 4:17 Thei eten the breed of vnpite, and drinken the wyn of wickidnesse. Proverbs 4:18 But the path of iust men goith forth as liyt schynynge, and encreessith til to perfit dai. Proverbs 4:19 The weie of wickid men is derk; thei witen not where thei schulen falle.

He exhorteth to faith,

Proverbs 4:20 Mi sone, herkene thou my wordis; and bowe doun thin eeris to my spechis. Proverbs 4:21 Go not tho awei fro thyn iyen; kepe thou hem in the myddil of thin herte. Proverbs 4:22 For tho ben lijf to men fyndynge thoo, and heelthe of al fleisch.

and sanctification.

Proverbs 4:23 With al keping kepe thin herte, for lijf cometh forth of it. Proverbs 4:24 Remoue thou a schrewid mouth fro thee; and backbitynge lippis be fer fro thee. Proverbs 4:25 Thin iyen se riytful thingis; and thin iyeliddis go bifore thi steppis. Proverbs 4:26 Dresse thou pathis to thi feet, and alle thi weies schulen be stablischid. Proverbs 4:27 Bowe thou not to the riytside, nether to the leftside; turne awei thi foot fro yuel. For the Lord knowith the weies that ben at the riytside; but the weies ben weiward, that ben at the leftside. Forsothe he schal make thi goyngis riytful; and thi weies schulen be brouyt forth in pees.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!