Wycliffe Bible

Proverbs 5

Solomon exhorteth to the study of wisdom.

Proverbs 5:1 Mi sone, perseyue thou my wisdom, and bowe doun thin eere to my prudence; that thou kepe thi thouytis, Proverbs 5:2 and thi lippis kepe teching. Yyue thou not tent to the falsnesse of a womman;

He sheweth the mischief of whoredom and riot.

Proverbs 5:3 for the lippis of an hoore ben an hony coomb droppinge, and hir throte is clerere than oile; Proverbs 5:4 but the last thingis ben bittir as wormod, and hir tunge is scharp as a swerd keruynge on ech side. Proverbs 5:5 Hir feet gon doun in to deeth; and hir steppis persen to hellis. Proverbs 5:6 Tho goon not bi the path of lijf; hir steppis ben vncerteyn, and moun not be souyt out. Proverbs 5:7 Now therfor, my sone, here thou me, and go not awei fro the wordis of my mouth. Proverbs 5:8 Make fer thi weie fro hir, and neiye thou not to the doris of hir hous. Proverbs 5:9 Yyue thou not thin onour to aliens, and thi yeeris to the cruel; Proverbs 5:10 lest perauenture straungeris be fillid with thi strengthis, and lest thi trauels be in an alien hous; Proverbs 5:11 and thou biweile in the laste daies, whanne thou hast wastid thi fleschis, and thi bodi; and thou seie, Proverbs 5:12 Whi wlatide Y teching, and myn herte assentide not to blamyngis; Proverbs 5:13 nether Y herde the voys of men techinge me, and Y bowide not doun myn eere to maistris? Proverbs 5:14 Almest Y was in al yuel, in the myddis of the chirche, and of the synagoge.

He exhorteth to contentedness, liberality, and charity.

Proverbs 5:15 Drinke thou watir of thi cisterne, and the floodis of thi pit. Proverbs 5:16 Thi wellis be stremed forth; and departe thi watris in stretis. Proverbs 5:17 Haue thou aloone tho watris; and aliens be not thi parceneris. Proverbs 5:18 Thi veyne be blessid; and be thou glad with the womman of thi yong wexynge age. Proverbs 5:19 An hynde moost dereworthe; and an hert calf moost acceptable. Hir teetis fille thee in al tyme; and delite thou contynueli in the loue of hir. Proverbs 5:20 Mi sone, whi art thou disseyued of an alien womman; and art fostrid in the bosum of an othere? Proverbs 5:21 The Lord seeth the weie of a man; and biholdith alle hise steppis.

The wicked are overtaken with their own sins.

Proverbs 5:22 The wickidnessis of a wyckid man taken hym; and he is boundun with the roopis of hise synnes. Proverbs 5:23 He schal die, for he hadde not lernyng; and he schal be disseyued in the mychilnesse of his fooli.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!