Wycliffe Bible

Psalms 10

David complaineth to God of the outrage of the wicked.

Psalms 10:1 Lord, whi hast thou go fer awei? thou dispisist in couenable tymes in tribulacioun. Psalms 10:2 While the wickid is proud, the pore man is brent; thei ben taken in the counsels, bi whiche thei thenken. Psalms 10:3 Forwhi the synnere is preisid in the desiris of his soule; and the wickid is blessid. Psalms 10:4 The synnere wraththide the Lord; vp the multitude of his ire he schal not seke. Psalms 10:5 God is not in his siyt; hise weies ben defoulid in al tyme. God, thi domes ben takun awei fro his face; he schal be lord of alle hise enemyes. Psalms 10:6 For he seide in his herte, Y schal not be moued, fro generacioun in to generacioun without yuel. Psalms 10:7 Whos mouth is ful of cursyng, and of bitternesse, and of gyle; trauel and sorewe is vndur his tunge. Psalms 10:8 He sittith in aspies with ryche men in priuytees; to sle the innocent man. Psalms 10:9 Hise iyen biholden on a pore man; he settith aspies in hid place, as a lioun in his denne. He settith aspies, for to rauysche a pore man; for to rauysche a pore man, while he drawith the pore man. Psalms 10:10 In his snare he schal make meke the pore man; he schal bowe hym silf, and schal falle doun, whanne he hath be lord of pore men. Psalms 10:11 For he seide in his herte, God hath foryete; he hath turned awei his face, that he se not in to the ende.

He prayeth for remedy.

Psalms 10:12 Lord God, rise thou vp, and thin hond be enhaunsid; foryete thou not pore men. Psalms 10:13 For what thing terride the wickid man God to wraththe? for he seide in his herte, God schal not seke. Psalms 10:14 Thou seest, for thou biholdist trauel and sorewe; that thou take hem in to thin hondis. The pore man is left to thee; thou schalt be an helpere to the fadirles and modirles. Psalms 10:15 Al to-breke thou the arme of the synnere, and yuel willid; his synne schal be souyt, and it schal not be foundun.

He professeth his confidence.

Psalms 10:16 The Lord schal regne with outen ende, and in to the world of world; folkis, ye schulen perische fro the lond of hym. Psalms 10:17 The Lord hath herd the desir of pore men; thin eere hath herd the makyng redi of her herte. Psalms 10:18 To deme for the modirles and meke; that a man leie to no more to magnyfie hym silf on erthe.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook