Wycliffe Bible

Psalms 102

The prophet in his prayer maketh a grievous complaint.

Psalms 102:1 {The title of the hundrid and o salm. The preier of a pore man, whanne he was angwishid, and schedde out his speche bifore the Lord.} Lord, here thou my preier; and my crie come to thee. Psalms 102:2 Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli. Psalms 102:3 For my daies han failid as smoke; and my boonus han dried vp as critouns. Psalms 102:4 I am smytun as hei, and myn herte dried vp; for Y haue foryete to eete my breed. Psalms 102:5 Of the vois of my weilyng; my boon cleuede to my fleische. Psalms 102:6 I am maad lijk a pellican of wildirnesse; Y am maad as a niyt crowe in an hous. Psalms 102:7 I wakide; and Y am maad as a solitarie sparowe in the roof. Psalms 102:8 Al dai myn enemyes dispisiden me; and thei that preisiden me sworen ayens me. Psalms 102:9 For Y eet aschis as breed; and Y meddlide my drinke with weping. Psalms 102:10 Fro the face of the ire of thin indignacioun; for thou reisinge me hast hurtlid me doun. Psalms 102:11 Mi daies boweden awei as a schadewe; and Y wexede drie as hei.

He taketh comfort in the eternity and mercy of God.

Psalms 102:12 But, Lord, thou dwellist with outen ende; and thi memorial in generacioun and in to generacioun. Psalms 102:13 Lord, thou risinge vp schalt haue merci on Sion; for the tyme to haue merci therof cometh, for the tyme cometh. Psalms 102:14 For the stones therof plesiden thi seruauntis; and thei schulen haue merci on the lond therof. Psalms 102:15 And, Lord, hethen men schulen drede thi name; and alle kingis of erthe schulen drede thi glori. Psalms 102:16 For the Lord hath bildid Sion; and he schal be seen in his glorie. Psalms 102:17 He bihelde on the preier of meke men; and he dispiside not the preier of hem.

The mercies of God are to be recorded.

Psalms 102:18 Be these thingis writun in an othere generacioun; and the puple that schal be maad schal preise the Lord. Psalms 102:19 For he bihelde fro his hiye hooli place; the Lord lokide fro heuene in to erthe. Psalms 102:20 For to here the weilingis of feterid men; and for to vnbynde the sones of slayn men. Psalms 102:21 That thei telle in Sion the name of the Lord; and his preising in Jerusalem. Psalms 102:22 In gaderinge togidere puplis in to oon; and kingis, that thei serue the Lord.

He sustaineth his weakness by the unchangeableness of God.

Psalms 102:23 It answeride to hym in the weie of his vertu; Telle thou to me the fewnesse of my daies. Psalms 102:24 Ayenclepe thou not me in the myddil of my daies; thi yeris ben in generacioun and in to generacioun. Psalms 102:25 Lord, thou foundidist the erthe in the bigynnyng; and heuenes ben the werkis of thin hondis. Psalms 102:26 Tho schulen perische, but thou dwellist perfitli; and alle schulen wexe eelde as a clooth. And thou schalt chaunge hem as an hiling, and tho schulen be chaungid; Psalms 102:27 but thou art the same thi silf, and thi yeeris schulen not faile. Psalms 102:28 The sones of thi seruauntis schulen dwelle; and the seed of hem schal be dressid in to the world.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!