Wycliffe Bible

Psalms 104

A meditation upon the mighty power,

Psalms 104:1 {The hundrid and thridde salm.} Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt, Psalms 104:2 as with a cloth. And thou stretchist forth heuene as a skyn; Psalms 104:3 and thou hilist with watris the hiyer partis therof. Which settist a cloude thi stiyng; which goest on the fetheris of wyndis. Psalms 104:4 Which makist spiritis thin aungels; and thi mynystris brennynge fier. Psalms 104:5 Which hast foundid the erthe on his stablenesse; it schal not be bowid in to the world of world. Psalms 104:6 The depthe of watris as a cloth is the clothing therof; watris schulen stonde on hillis.

and wonderful providence of God.

Psalms 104:7 Tho schulen fle fro thi blamyng; men schulen be aferd of the vois of thi thundur. Psalms 104:8 Hillis stien vp, and feeldis goen doun; in to the place which thou hast foundid to tho. Psalms 104:9 Thou hast set a terme, which tho schulen not passe; nether tho schulen be turned, for to hile the erthe. Psalms 104:10 And thou sendist out wellis in grete valeis; watris schulen passe bitwix the myddil of hillis. Psalms 104:11 Alle the beestis of the feeld schulen drynke; wielde assis schulen abide in her thirst. Psalms 104:12 Briddis of the eir schulen dwelle on tho; fro the myddis of stoonys thei schulen yyue voices. Psalms 104:13 And thou moistist hillis of her hiyer thingis; the erthe schal be fillid of the fruyt of thi werkis. Psalms 104:14 And thou bringist forth hei to beestis; and eerbe to the seruyce of men. That thou bringe forth breed of the erthe; Psalms 104:15 and that wiyn make glad the herte of men. That he make glad the face with oile; and that breed make stidefast the herte of man. Psalms 104:16 The trees of the feeld schulen be fillid, and the cedris of the Liban, whiche he plauntide; Psalms 104:17 sparewis schulen make nest there. The hous of the gerfaukun is the leeder of tho; Psalms 104:18 hiye hillis ben refute to hertis; a stoon is refutt to irchouns. Psalms 104:19 He made the moone in to tymes; the sunne knewe his goyng doun. Psalms 104:20 Thou hast set derknessis, and nyyt is maad; alle beestis of the wode schulen go ther ynne. Psalms 104:21 Liouns whelpis rorynge for to rauysche; and to seke of God meete to hem silf. Psalms 104:22 The sunne is risun, and tho ben gaderid togidere; and tho schulen be set in her couchis. Psalms 104:23 A man schal go out to his werk; and to his worching, til to the euentid. Psalms 104:24 Lord, thi werkis ben magnefiede ful myche, thou hast maad alle thingis in wisdom; the erthe is fillid with thi possessioun. Psalms 104:25 This see is greet and large to hondis; there ben crepinge beestis, of which is noon noumbre. Litil beestis with grete; Psalms 104:26 schippis schulen passe there. This dragoun which thou hast formyd; for to scorne hym. Psalms 104:27 Alle thingis abiden of thee; that thou yyue to hem meete in tyme. Psalms 104:28 Whanne thou schalt yyue to hem, thei schulen gadere; whanne thou schalt opene thin hond, alle thingis schulen be fillid with goodnesse. Psalms 104:29 But whanne thou schalt turne awey the face, thei schulen be disturblid; thou schalt take awei the spirit of them, and thei schulen faile; and thei schulen turne ayen in to her dust. Psalms 104:30 Sende out thi spirit, and thei schulen be formed of the newe; and thou schalt renule the face of the erthe.

God's glory is eternal.

Psalms 104:31 The glorie of the Lord be in to the world; the Lord schal be glad in hise werkis. Psalms 104:32 Which biholdith the erthe, and makith it to tremble; which touchith hillis, and tho smoken.

The prophet voweth perpetually to praise God.

Psalms 104:33 I schal singe to the Lord in my lijf; Y schal seie salm to my God, as longe as Y am. Psalms 104:34 Mi speche be myrie to him; forsothe Y schal delite in the Lord. Psalms 104:35 Synneris faile fro the erthe, and wickid men faile, so that thei be not; my soule, blesse thou the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!