Wycliffe Bible

Psalms 107

The psalmist exhorteth the redeemed, in praising God, to observe his manifold providence,

Psalms 107:1 {The title of the hundrid and sixte salm. Alleluya.} Knouleche ye to the Lord, for he is good; for his merci is in to the world. Psalms 107:2 Sei thei, that ben ayen bouyt of the Lord; whiche he ayen bouyte fro the hond of the enemye, fro cuntreis he gaderide hem togidere. Psalms 107:3 Fro the risyng of the sunne, and fro the goyng doun; fro the north, and fro the see.

over travelers,

Psalms 107:4 Thei erriden in wildirnesse, in a place with out watir; thei founden not weie of the citee of dwellyng place. Psalms 107:5 Thei weren hungri and thirsti; her soule failide in hem. Psalms 107:6 And thei crieden to the Lord, whanne thei weren set in tribulacioun; and he delyuerede hem fro her nedynesses. Psalms 107:7 And he ledde forth hem in to the riyt weie; that thei schulden go in to the citee of dwelling. Psalms 107:8 The mercies of the Lord knouleche to hym; and hise merueilis knouleche to the sones of men. Psalms 107:9 For he fillide a voide man; and he fillide with goodis an hungry man.

over captives,

Psalms 107:10 God delyuerede men sittynge in derknessis, and in the schadowe of deth; and men prisoned in beggerye and in yrun. Psalms 107:11 For thei maden bitter the spechis of God; and wraththiden the councel of the hiyeste. Psalms 107:12 And the herte of hem was maad meke in trauelis; and thei weren sijk, and noon was that helpide. Psalms 107:13 And thei crieden to the Lord, whanne thei weren set in tribulacioun; and he delyuerede hem from her nedynessis. Psalms 107:14 And he ledde hem out of derknessis, and schadowe of deth; and brak the boondis of hem. Psalms 107:15 The mercies of the Lord knouleche to hym; and hise merueils knouleche to the sones of men. Psalms 107:16 For he al to-brak brasun yatis; and he brak yrun barris.

over sick men,

Psalms 107:17 He vptook hem fro the weie of her wickidnesse; for thei weren maad lowe for her vnriytfulnesses. Psalms 107:18 The soule of hem wlatide al mete; and thei neiyeden til to the yatis of deth. Psalms 107:19 And thei crieden to the Lord, whanne thei weren set in tribulacioun; and he delyuerede hem fro her nedynessis. Psalms 107:20 He sente his word, and heelide hem; and delyuerede hem fro the perischingis of hem. Psalms 107:21 The mercies of the Lord knouleche to hym; and hise merueils to the sones of men. Psalms 107:22 And offre thei the sacrifice of heriyng; and telle thei hise werkis in ful out ioiyng.

over seamen,

Psalms 107:23 Thei that gon doun in to the see in schippis; and maken worching in many watris. Psalms 107:24 Thei sien the werkis of the Lord; and hise merueilis in the depthe. Psalms 107:25 He seide, and the spirit of tempest stood; and the wawis therof weren arerid. Psalms 107:26 Thei stien til to heuenes, and goen doun til to the depthis; the soule of hem failide in yuelis. Psalms 107:27 Thei weren troblid, and thei weren moued as a drunkun man; and al the wisdom of hem was deuourid. Psalms 107:28 And thei crieden to the Lord, whanne thei weren set in tribulacioun; and he ledde hem out of her nedynessis. Psalms 107:29 And he ordeynede the tempest therof in to a soft wynde; and the wawis therof weren stille. Psalms 107:30 And thei weren glad, for tho weren stille; and he ladde hem forth in to the hauene of her wille. Psalms 107:31 The mercies of the Lord knouleche to hym; and hise merueilis to the sones of men. Psalms 107:32 And enhaunse thei him in the chirche of the puple; and preise thei him in the chaier of eldre men.

and in divers varieties of life.

Psalms 107:33 He hath set floodis in to deseert; and the out goingis of watris in to thirst. Psalms 107:34 He hath set fruytful lond in to saltnesse; for the malice of men dwellyng ther ynne. Psalms 107:35 He hath set deseert in to pondis of watris; and erthe with out watir in to outgoyngis of watris. Psalms 107:36 And he settide there hungri men; and thei maden a citee of dwelling. Psalms 107:37 And thei sowiden feeldis, and plauntiden vynes; and maden fruyt of birthe. Psalms 107:38 And he blesside hem, and thei weren multiplied greetli; and he made not lesse her werk beestis. Psalms 107:39 And thei weren maad fewe; and thei weren trauelid of tribulacioun of yuelis and of sorewis. Psalms 107:40 Strijf was sched out on princes; and he made hem for to erre without the weie, and not in the weie. Psalms 107:41 And he helpide the pore man fro pouert; and settide meynees as a scheep bringynge forth lambren. Psalms 107:42 Riytful men schulen se, and schulen be glad; and al wickidnesse schal stoppe his mouth. Psalms 107:43 Who is wijs, and schal kepe these thingis; and schal vndirstonde the mercies of the Lord?

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!