Wycliffe Bible

Psalms 116

The psalmist professeth his love and duty to God for his deliverance.

Psalms 116:1 {The titil of the hundrid and fourtenthe salm. Alleluia.} I louede the Lord; for the Lord schal here the vois of my preier. Psalms 116:2 For he bowide doun his eere to me; and Y schal inwardli clepe in my daies. Psalms 116:3 The sorewis of deth cumpassiden me; and the perelis of helle founden me. Psalms 116:4 I foond tribulacioun and sorewe; and Y clepide inwardli the name of the Lord. Thou, Lord, delyuere my soule; Psalms 116:5 the Lord is merciful, and iust; and oure God doith merci. Psalms 116:6 And the Lord kepith litle children; Y was mekid, and he delyuerede me. Psalms 116:7 Mi soule, turne thou in to thi reste; for the Lord hath do wel to thee. Psalms 116:8 For he hath delyuered my soule fro deth; myn iyen fro wepingis, my feet fro fallyng doun. Psalms 116:9 I schal plese the Lord; in the cuntrei of hem that lyuen. Psalms 116:10 I bileuede, for which thing Y spak; forsoth Y was maad low ful myche. Psalms 116:11 I seide in my passing; Ech man is a lier.

He studieth to be thankful.

Psalms 116:12 What schal Y yelde to the Lord; for alle thingis which he yeldide to me? Psalms 116:13 I schal take the cuppe of heelthe; and Y schal inwardli clepe the name of the Lord. Psalms 116:14 I schal yelde my vowis to the Lord bifor al his puple; Psalms 116:15 the deth of seyntis of the Lord is precious in his siyt. Psalms 116:16 O! Lord, for Y am thi seruant; Y am thi seruaunt, and the sone of thi handmaide. Thou hast broke my bondys, Psalms 116:17 to thee Y schal offre a sacrifice of heriyng; and Y schal inwardli clepe the name of the Lord. Psalms 116:18 I schal yelde my vowis to the Lord, in the siyt of al his puple; Psalms 116:19 in the porchis of the hous of the Lord, in the myddil of thee, Jerusalem.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!