Wycliffe Bible

Psalms 118

An exhortation to praise God for his mercy.

Psalms 118:1 {The titil of the hundrid and seuententhe salm. Alleluia.} Knouleche ye to the Lord, for he is good; for his merci is with outen ende. Psalms 118:2 Israel seie now, for he is good; for his merci is with outen ende. Psalms 118:3 The hous of Aaron seie now; for his merci is with outen ende. Psalms 118:4 Thei that dreden the Lord, seie now; for his merci is withouten ende.

The psalmist by his experience sheweth how good it is to trust in God.

Psalms 118:5 Of tribulacioun Y inwardli clepide the Lord; and the Lord herde me in largenesse. Psalms 118:6 The Lord is an helpere to me; Y schal not drede what a man schal do to me. Psalms 118:7 The Lord is an helpere to me; and Y schal dispise myn enemyes. Psalms 118:8 It is betere for to trist in the Lord; than for to triste in man. Psalms 118:9 It is betere for to hope in the Lord; than for to hope in princes. Psalms 118:10 Alle folkis cumpassiden me; and in the name of the Lord it bifelde, for Y am auengide on hem. Psalms 118:11 Thei cumpassinge cumpassiden me; and in the name of the Lord, for Y am auengid on hem. Psalms 118:12 Thei cumpassiden me as been, and thei brenten out as fier doith among thornes; and in the name of the Lord, for Y am avengid on hem. Psalms 118:13 I was hurlid, and turnede vpsedoun, that Y schulde falle doun; and the Lord took me vp. Psalms 118:14 The Lord is my strengthe, and my heryyng; and he is maad to me in to heelthe. Psalms 118:15 The vois of ful out ioiyng and of heelthe; be in the tabernaclis of iust men. Psalms 118:16 The riyt hond of the Lord hath do vertu, the riyt hond of the Lord enhaunside me; the riyt hond of the Lord hath do vertu. Psalms 118:17 I schal not die, but Y schal lyue; and Y schal telle the werkis of the Lord. Psalms 118:18 The Lord chastisinge hath chastisid me; and he yaf not me to deth.

Under the type of the psalmist the coming of Christ in his Kingdom is expressed.

Psalms 118:19 Opene ye to me the yatis of riytfulnesse, and Y schal entre bi tho, and Y schal knouleche to the Lord; Psalms 118:20 this yate is of the Lord, and iust men schulen entre bi it. Psalms 118:21 I schal knouleche to thee, for thou herdist me; and art maad to me in to heelthe. Psalms 118:22 The stoon which the bilderis repreueden; this is maad in to the heed of the corner. Psalms 118:23 This thing is maad of the Lord; and it is wonderful bifore oure iyen. Psalms 118:24 This is the dai which the Lord made; make we ful out ioye, and be we glad ther ynne. Psalms 118:25 O! Lord, make thou me saaf, O! Lord, make thou wel prosperite; Psalms 118:26 blessid is he that cometh in the name of the Lord. We blesseden you of the hous of the Lord; Psalms 118:27 God is Lord, and hath youe liyt to vs. Ordeyne ye a solempne dai in thicke puplis; til to the horn of the auter. Psalms 118:28 Thou art my God, and Y schal knouleche to thee; thou art my God, and Y schal enhaunse thee. I schal knouleche to thee, for thou herdist me; and thou art maad to me in to heelthe. Psalms 118:29 Knouleche ye to the Lord, for he is good; for his merci is with outen ende.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!