Wycliffe Bible

Psalms 140

David prayeth to be delivered from Saul and Doeg.

Psalms 140:1 {The title of the hundrid and nyne and thrittithe salm. To victorie, the salm of Dauith.} Lord, delyuere thou me fro an yuel man; delyuere thou me fro a wickid man. Psalms 140:2 Whiche thouyten wickidnesses in the herte; al dai thei ordeyneden batels. Psalms 140:3 Thei scharpiden her tungis as serpentis; the venym of snakis vndir the lippis of hem. Psalms 140:4 Lord, kepe thou me fro the hond of the synnere; and delyuere thou me fro wickid men. Which thouyten to disseyue my goyngis; Psalms 140:5 proude men hidden a snare to me. And thei leiden forth cordis in to a snare; thei settiden sclaundir to me bisidis the weie. Psalms 140:6 I seide to the Lord, Thou art mi God; Lord, here thou the vois of my biseching. Psalms 140:7 Lord, Lord, the vertu of myn heelthe; thou madist schadowe on myn heed in the dai of batel.

He prayeth against them.

Psalms 140:8 Lord, bitake thou not me fro my desire to the synnere; thei thouyten ayens me, forsake thou not me, lest perauenture thei ben enhaunsid. Psalms 140:9 The heed of the cumpas of hem; the trauel of her lippis schal hile hem. Psalms 140:10 Colis schulen falle on hem, thou schalt caste hem doun in to fier; in wretchidnessis thei schulen not stonde. Psalms 140:11 A man a greet ianglere schal not be dressid in erthe; yuels schulen take an vniust man in perisching.

He comforteth himself by confidence in God.

Psalms 140:12 I haue knowe, that the Lord schal make dom of a nedi man; and the veniaunce of pore men. Psalms 140:13 Netheles iust men schulen knouleche to thi name; and riytful men schulen dwelle with thi cheer.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!