Wycliffe Bible

Psalms 142

David sheweth that in his trouble all his comfort was in prayer unto God.

Psalms 142:1 {The title of the hundrid and oon and fourtithe salm. The lernyng of Dauid; his preier, whanne he was in the denne.} With my vois Y criede to the Lord; with my vois Y preiede hertli to the Lord. Psalms 142:2 I schede out my preier in his siyt; and Y pronounce my tribulacioun bifor him. Psalms 142:3 While my spirit failith of me; and thou hast knowe my pathis. In this weie in which Y yede; proude men hidden a snare to me. Psalms 142:4 I bihelde to the riyt side, and Y siy; and noon was that knew me. Fliyt perischide fro me; and noon is that sekith my soule. Psalms 142:5 Lord, Y criede to thee, Y seide, Thou art myn hope; my part in the lond of lyueris. Psalms 142:6 Yyue thou tent to my biseching; for Y am maad low ful greetli. Delyuere thou me fro hem that pursuen me; for thei ben coumfortid on me. Psalms 142:7 Lede my soule out of keping to knouleche to thi name; iust men abiden me, til thou yelde to me.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!