Wycliffe Bible

Psalms 147

The prophet exhorteth to praise God for his care of the Church,

Psalms 147:1 {The title of the hundrid and sixe and fourtithe salm. Alleluya.} Herie ye the Lord, for the salm is good; heriyng be myrie, and fair to oure God. Psalms 147:2 The Lord schal bilde Jerusalem; and schal gadere togidere the scateryngis of Israel. Psalms 147:3 Which Lord makith hool men contrit in herte; and byndith togidere the sorewes of hem.

his power,

Psalms 147:4 Which noumbrith the multitude of sterris; and clepith names to alle tho. Psalms 147:5 Oure Lord is greet, and his vertu is greet; and of his wisdom is no noumbre.

and his mercy:

Psalms 147:6 The Lord takith vp mylde men; forsothe he makith low synneris til to the erthe.

to praise him for his providence:

Psalms 147:7 Bifore synge ye to the Lord in knoulechyng; seye ye salm to oure God in an harpe. Psalms 147:8 Which hilith heuene with cloudis; and makith redi reyn to the erthe. Which bryngith forth hei in hillis; and eerbe to the seruice of men. Psalms 147:9 Which yyueth mete to her werk beestis; and to the briddys of crowis clepinge hym. Psalms 147:10 He schal not haue wille in the strengthe of an hors; nether it schal be wel plesaunt to hym in the leggis of a man. Psalms 147:11 It is wel plesaunt to the Lord on men that dreden hym; and in hem that hopen on his mercy.

to praise him for his blessings upon the Kingdom,

Psalms 147:12 Jerusalem, herie thou the Lord; Syon, herie thou thi God. Psalms 147:13 For he hath coumfortid the lockis of thi yatis; he hath blessid thi sones in thee. Psalms 147:14 Which hath set thi coostis pees; and fillith thee with the fatnesse of wheete.

for his power over the meteors,

Psalms 147:15 Which sendith out his speche to the erthe; his word renneth swiftli. Psalms 147:16 Which yyueth snow as wolle; spredith abrood a cloude as aische. Psalms 147:17 He sendith his cristal as mussels; who schal suffre bifore the face of his cooldnesse? Psalms 147:18 He schal sende out his word, and schal melte tho; his spirit schal blowe, and watris schulen flowe.

and for his ordinances in the Church.

Psalms 147:19 Which tellith his word to Jacob; and hise riytfulnessis and domes to Israel. Psalms 147:20 He dide not so to ech nacioun; and he schewide not hise domes to hem.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!