Wycliffe Bible

Psalms 148

The psalmist exhorteth the celestial,

Psalms 148:1 {The title of the hundrid and eiyte and fourtithe salm. Alleluya.} Ye of heuenes, herie the Lord; herie ye hym in hiye thingis. Psalms 148:2 Alle hise aungels, herie ye hym; alle hise vertues, herye ye hym. Psalms 148:3 Sunne and moone, herie ye hym; alle sterris and liyt, herie ye hym. Psalms 148:4 Heuenes of heuenes, herie ye hym; and the watris that ben aboue heuenes, Psalms 148:5 herie ye the name of the Lord. For he seide, and thingis weren maad; Psalms 148:6 he comaundide, and thingis weren maad of nouyt. He ordeynede tho thingis in to the world, and in to the world of world; he settide a comaundement, and it schal not passe.

the terrestrial,

Psalms 148:7 Ye of erthe, herie ye the Lord; dragouns, and alle depthis of watris. Psalms 148:8 Fier, hail, snow, iys, spiritis of tempestis; that don his word. Psalms 148:9 Mounteyns, and alle litle hillis; trees berynge fruyt, and alle cedris. Psalms 148:10 Wielde beestis, and alle tame beestis; serpentis, and fetherid briddis.

and the rational creatures to praise God.

Psalms 148:11 The kingis of erthe, and alle puplis; the princis, and alle iugis of erthe. Psalms 148:12 Yonge men, and virgyns, elde men with yongere, Psalms 148:13 herie ye the name of the Lord; for the name of hym aloone is enhaunsid. His knouleching be on heuene and erthe; Psalms 148:14 and he hath enhaunsid the horn of his puple. An ympne be to alle hise seyntis; to the children of Israel, to a puple neiyynge to hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!