Wycliffe Bible

Psalms 26

David resorteth unto God in confidence of his integrity.

Psalms 26:1 {The title of the fyue and twentithe salm. To Dauid.} Lord, deme thou me, for Y entride in myn innocens; and Y hopynge in the Lord schal not be made vnstidfast. Psalms 26:2 Lord, preue thou me, and asaie me; brenne thou my reynes, and myn herte. Psalms 26:3 For whi thi merci is bifor myn iyen; and Y pleside in thi treuthe. Psalms 26:4 I sat not with the counsel of vanyte; and Y schal not entre with men doynge wickid thingis. Psalms 26:5 I hatide the chirche of yuele men; and Y schal not sitte with wickid men. Psalms 26:6 I schal waische myn hondis among innocentis; and, Lord, Y schal cumpasse thin auter. Psalms 26:7 That Y here the vois of heriyng; and that Y telle out alle thi merueils. Psalms 26:8 Lord, Y haue loued the fairnesse of thin hows; and the place of the dwellyng of thi glorie. Psalms 26:9 God, leese thou not my soule with vnfeithful men; and my lijf with men of bloodis. Psalms 26:10 In whose hondis wyckidnessis ben; the riythond of hem is fillid with yiftis. Psalms 26:11 But Y entride in myn innocens; ayenbie thou me, and haue merci on me. Psalms 26:12 Mi foot stood in riytfulnesse; Lord, Y schal blesse thee in chirchis.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!