Wycliffe Bible

Psalms 27

David sustaineth his faith by the power of God,

Psalms 27:1 {The title of the sixe and twentithe salm. To Dauid.} The Lord is my liytnyng, and myn helthe; whom schal Y drede? The Lord is defendere of my lijf; for whom schal Y tremble? Psalms 27:2 The while noiful men neiyen on me; for to ete my fleischis. Myn enemyes, that trobliden me; thei weren maad sijk and felden doun. Psalms 27:3 Thouy castels stonden togidere ayens me; myn herte schal not drede. Thouy batel risith ayens me; in this thing Y schal haue hope.

by his love to the service of God,

Psalms 27:4 I axide of the Lord o thing; Y schal seke this thing; that Y dwelle in the hows of the Lord alle the daies of my lijf. That Y se the wille of the Lord; and that Y visite his temple. Psalms 27:5 For he hidde me in his tabernacle in the dai of yuelis; he defendide me in the hid place of his tabernacle. Psalms 27:6 He enhaunside me in a stoon; and now he enhaunside myn heed ouer myn enemyes. I cumpasside, and offride in his tabernacle a sacrifice of criyng; Y schal synge, and Y schal seie salm to the Lord. Psalms 27:7 Lord, here thou my vois, bi which Y criede to thee; haue thou merci on me, and here me. Psalms 27:8 Myn herte seide to thee, My face souyte thee; Lord, Y schal seke eft thi face.

by prayer.

Psalms 27:9 Turne thou not awei thi face fro me; bouwe thou not awei in ire fro thi seruaunt. Lord, be thou myn helpere, forsake thou not me; and, God, myn helthe, dispise thou not me. Psalms 27:10 For my fadir and my modir han forsake me; but the Lord hath take me. Psalms 27:11 Lord, sette thou a lawe to me in thi weie; and dresse thou me in thi path for myn enemyes. Psalms 27:12 Bitake thou not me in to the soules of hem, that troblen me; for wickid witnessis han rise ayens me, and wickydnesse liede to it silf. Psalms 27:13 I bileue to see the goodis of the Lord; in the lond of hem that lyuen. Psalms 27:14 Abide thou the Lord, do thou manli; and thin herte be coumfortid, and suffre thou the Lord.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!