Psalms 29
David exhorteth princes to give glory to God,
Psalms 29:1 {The title of the eiyt and twentithe salm. The salm, ethir song of Dauid.} Ye sones of God, brynge to the Lord; brynge ye to the Lord the sones of rammes. Psalms 29:2 Brynge ye to the Lord glorie and onour; brynge ye to the Lord glorie to his name; herie ye the Lord in his hooli large place.
by reason of his power,
Psalms 29:3 The vois of the Lord on watris, God of mageste thundride; the Lord on many watris. Psalms 29:4 The vois of the Lord in vertu; the vois of the Lord in greet doyng. Psalms 29:5 The vois of the Lord brekynge cedris; and the Lord schal breke the cedris of the Liban. Psalms 29:6 And he schal al to-breke hem to dust as a calf of the Liban; and the derling was as the sone of an vnycorn. Psalms 29:7 The vois of the Lord departynge the flawme of fier; Psalms 29:8 the vois of the Lord schakynge desert; and the Lord schal stire togidere the desert of Cades. Psalms 29:9 The vois of the Lord makynge redi hertis, and he schal schewe thicke thingis; and in his temple alle men schulen seie glorie. Psalms 29:10 The Lord makith to enhabite the greet flood; and the Lord schal sitte kyng with outen ende.
and protection of his people.
Psalms 29:11 The Lord schal yyue vertu to his puple; the Lord schal blesse his puple in pees.
| 
