Wycliffe Bible

Psalms 30

David praiseth God for his deliverance.

Psalms 30:1 {The title of the nyne and twentithe salm. The salm of song, for the halewyng of the hows of Dauid.} Lord, Y schal enhaunse thee, for thou hast vp take me; and thou delitidist not myn enemyes on me. Psalms 30:2 Mi Lord God, Y criede to thee; and thou madist me hool. Psalms 30:3 Lord, thou leddist out my soule fro helle; thou sauedist me fro hem that goen doun into the lake.

He exhorteth others to praise him by example of God's dealing with him.

Psalms 30:4 Ye seyntis of the Lord, synge to the Lord; and knowleche ye to the mynde of his hoolynesse. Psalms 30:5 For ire is in his indignacioun; and lijf is in his wille. Wepyng schal dwelle at euentid; and gladnesse at the morewtid. Psalms 30:6 Forsothe Y seide in my plentee; Y schal not be moued with outen ende. Psalms 30:7 Lord, in thi wille; thou hast youe vertu to my fairnesse. Thou turnedist awei thi face fro me; and Y am maad disturblid. Psalms 30:8 Lord, Y schal crye to thee; and Y schal preye to my God. Psalms 30:9 What profit is in my blood; while Y go doun in to corrupcioun? Whether dust schal knouleche to thee; ethir schal telle thi treuthe? Psalms 30:10 The Lord herde, and hadde merci on me; the Lord is maad myn helpere. Psalms 30:11 Thou hast turned my weilyng in to ioye to me; thou hast to-rent my sak, and hast cumpassid me with gladnesse. Psalms 30:12 That my glorie synge to thee, and Y be not compunct; my Lord God, Y schal knouleche to thee with outen ende.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!