Wycliffe Bible

Psalms 31

David shewing his confidence in God craveth his help.

Psalms 31:1 {The title of the thrittithe salm. To victorie, the salm of Dauid.} Lord, Y hopide in thee, be Y not schent with outen ende; delyuere thou me in thi riytfulnesse. Psalms 31:2 Bouwe doun thin eere to me; haaste thou to delyuere me. Be thou to me in to God defendere, and in to an hows of refuyt; that thou make me saaf. Psalms 31:3 For thou art my strengthe and my refuyt; and for thi name thou schalt lede me forth, and schalt nurische me. Psalms 31:4 Thou schalt lede me out of the snare, which thei hidden to me; for thou art my defendere. Psalms 31:5 I bitake my spirit in to thin hondis; Lord God of treuthe, thou hast ayen bouyt me. Psalms 31:6 Thou hatist hem that kepen vanytees superfluli. Forsothe Y hopide in the Lord;

He rejoiceth in his mercy.

Psalms 31:7 Y schal haue fulli ioie, and schal be glad in thi merci. For thou byheldist my mekenesse; thou sauedist my lijf fro nedis. Psalms 31:8 And thou closidist not me togidere withynne the hondis of the enemy; thou hast sett my feet in a large place.

He prayeth in his calamity.

Psalms 31:9 Lord, haue thou merci on me, for Y am troblid; myn iye is troblid in ire, my soule and my wombe ben troblid. Psalms 31:10 For whi my lijf failide in sorewe; and my yeeris in weilynges. Mi vertu is maad feble in pouert; and my boonys ben disturblid. Psalms 31:11 Ouer alle myn enemyes Y am maad schenship greetli to my neiyboris; and drede to my knowun. Thei that sien me with outforth, fledden fro me; Y am youun to foryetyng, Psalms 31:12 as a deed man fro herte. I am maad as a lorun vessel; Psalms 31:13 for Y herde dispisyng of many men dwellynge in cumpas. In that thing the while thei camen togidere ayens me; thei counceliden to take my lijf. Psalms 31:14 But, Lord, Y hopide in thee; Y seide, Thou art my God; my tymes ben in thin hondis. Psalms 31:15 Delyuer thou me fro the hondis of mynen enemyes; and fro hem that pursuen me. Psalms 31:16 Make thou cleer thi face on thi seruaunt; Lord, make thou me saaf in thi merci; Psalms 31:17 be Y not schent, for Y inwardli clepide thee. Unpitouse men be aschamed, and be led forth in to helle; Psalms 31:18 gileful lippys be maad doumbe. That speken wickidnesse ayens a iust man; in pride, and in mysusyng.

He praiseth God for his goodness.

Psalms 31:19 Lord, the multitude of thi swetnesse is ful greet; which thou hast hid to men dredynge thee. Thou hast maad a perfit thing to hem, that hopen in thee; in the siyt of the sones of men. Psalms 31:20 Thou schalt hide hem in the priuyte of thi face; fro disturblyng of men. Thou schalt defende hem in thi tabernacle; fro ayenseiyng of tungis. Psalms 31:21 Blessid be the Lord; for he hath maad wondurful his merci to me in a strengthid citee. Psalms 31:22 Forsothe Y seide in the passyng of my soule; Y am cast out fro the face of thin iyen. Therfor thou herdist the vois of my preier; while Y criede to thee. Psalms 31:23 Alle ye hooli men of the Lord, loue hym; for the Lord schal seke treuthe, and he schal yelde plenteuousli to hem that doen pride. Psalms 31:24 Alle ye that hopen in the Lord, do manli; and youre herte be coumfortid.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!