Wycliffe Bible

Psalms 32

Blessedness consisteth in remission of sins.

Psalms 32:1 {The title of the oon and thrittithe salm. Lernyng to Dauid.} Blessid ben thei, whose wickidnessis ben foryouun; and whose synnes ben hilid. Psalms 32:2 Blessid is the man, to whom the Lord arrettide not synne; nethir gile is in his spirit.

Confession of sins giveth ease to the conscience.

Psalms 32:3 For Y was stille, my boonys wexiden elde; while Y criede al dai. Psalms 32:4 For bi dai and nyyt thin hond was maad greuouse on me; Y am turned in my wretchednesse, while the thorn is set in. Psalms 32:5 I made my synne knowun to thee; and Y hidde not my vnriytfulnesse. I seide, Y schal knouleche ayens me myn vnriytfulnesse to the Lord; and thou hast foryoue the wickidnesse of my synne. Psalms 32:6 For this thing ech hooli man schal preye to thee; in couenable tyme. Netheles in the greet flood of many watris; tho schulen not neiye to thee. Psalms 32:7 Thou art my refuyt fro tribulacioun, that cumpasside me; thou, my fulli ioiyng, delyuere me fro hem that cumpassen me.

God's promises bring joy.

Psalms 32:8 Y schal yyue vnderstondyng to thee, and Y schal teche thee; in this weie in which thou schalt go, Y schal make stidefast myn iyen on thee. Psalms 32:9 Nile ye be maad as an hors and mule; to whiche is noon vndurstondyng. Lord, constreyne thou the chekis of hem with a bernacle and bridil; that neiyen not to thee. Psalms 32:10 Many betyngis ben of the synnere; but merci schal cumpasse hym that hopith in the Lord. Psalms 32:11 Ye iust men, be glad, and make fulli ioie in the Lord; and alle ye riytful of herte, haue glorie.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!