Wycliffe Bible

Psalms 33

God is to be praised for his goodness,

Psalms 33:1 {The two and threttithe salm hath no title.} Ye iust men, haue fulli ioye in the Lord; presyng togidere bicometh riytful men. Psalms 33:2 Knouleche ye to the Lord in an harpe; synge ye to hym in a sautre of ten strengis. Psalms 33:3 Synge ye to hym a newe song; seie ye wel salm to hym in criyng. Psalms 33:4 For the word of the Lord is riytful; and alle hise werkis ben in feithfulnesse. Psalms 33:5 He loueth merci and doom; the erthe is ful of the merci of the Lord.

for his power,

Psalms 33:6 Heuenes ben maad stidfast bi the word of the Lord; and al the vertu of tho bi the spirit of his mouth. Psalms 33:7 And he gaderith togidere the watris of the see as in a bowge; and settith depe watris in tresours. Psalms 33:8 Al erthe drede the Lord; sotheli alle men enhabitynge the world ben mouyd of hym. Psalms 33:9 For he seide, and thingis weren maad; he comaundide, and thingis weren maad of nouyt. Psalms 33:10 The Lord distrieth the counsels of folkis, forsothe he repreueth the thouytis of puplis; and he repreueth the counsels of prynces. Psalms 33:11 But the counsel of the Lord dwellith with outen ende; the thouytis of his herte dwellen in generacioun and into generacioun.

and for his providence.

Psalms 33:12 Blessid is the folk, whose Lord is his God; the puple which he chees into eritage to hym silf. Psalms 33:13 The Lord bihelde fro heuene; he siy alle the sones of men. Psalms 33:14 Fro his dwellyng place maad redi bifor; he bihelde on alle men, that enhabiten the erthe. Psalms 33:15 Which made syngulerli the soules of hem; which vndurstondith all the werkis of hem. Psalms 33:16 A kyng is not sauyd bi myche vertu; and a giaunt schal not be sauyd in the mychilnesse of his vertu. Psalms 33:17 An hors is false to helthe; forsothe he schal not be sauyd in the habundaunce, ether plentee, of his vertu. Psalms 33:18 Lo! the iyen of the Lord ben on men dredynge hym; and in hem that hopen on his merci. Psalms 33:19 That he delyuere her soules fro deth; and feede hem in hungur.

Confidence is to be placed in God.

Psalms 33:20 Oure soule suffreth the Lord; for he is oure helpere and defendere. Psalms 33:21 For oure herte schal be glad in him; and we schulen haue hope in his hooli name. Psalms 33:22 Lord, thi merci be maad on vs; as we hopiden in thee.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!