Wycliffe Bible

Psalms 34

David praiseth God, and exhorteth others thereto by his experience.

Psalms 34:1 {The title of the thre and thrittithe salm. To Dauid, whanne he chaungide his mouth bifor Abymalech, and he droof out Dauid, and he yede forth.} I schal blesse the Lord in al tyme; euere his heriyng is in my mouth. Psalms 34:2 Mi soule schal be preisid in the Lord; mylde men here, and be glad. Psalms 34:3 Magnyfie ye the Lord with me; and enhaunse we his name into it silf. Psalms 34:4 I souyte the Lord, and he herde me; and he delyueride me fro alle my tribulaciouns. Psalms 34:5 Neiye ye to him, and be ye liytned; and youre faces schulen not be schent. Psalms 34:6 This pore man criede, and the Lord herde hym; and sauyde hym fro alle hise tribulaciouns. Psalms 34:7 The aungel of the Lord sendith in the cumpas of men dredynge hym; and he schal delyuere hem.

They are blessed that trust God.

Psalms 34:8 Taaste ye, and se, for the Lord is swete; blessid is the man, that hopith in hym. Psalms 34:9 Alle ye hooli men of the Lord, drede hym; for no nedynesse is to men dredynge hym. Psalms 34:10 Riche men weren nedi, and weren hungri; but men that seken the Lord schulen not faile of al good.

He exhorteth to the fear of God.

Psalms 34:11 Come, ye sones, here ye me; Y schal teche you the drede of the Lord. Psalms 34:12 Who is a man, that wole lijf; loueth to se good daies? Psalms 34:13 Forbede thi tunge fro yuel; and thi lippis speke not gile. Psalms 34:14 Turne thou awei fro yuel, and do good; seke thou pees, and perfitli sue thou it.

The privileges of the righteous.

Psalms 34:15 The iyen of the Lord ben on iust men; and hise eeren ben to her preiers. Psalms 34:16 But the cheer of the Lord is on men doynge yuels; that he leese the mynde of hem fro erthe. Psalms 34:17 Just men cryeden, and the Lord herde hem; and delyueride hem fro alle her tribulaciouns. Psalms 34:18 The Lord is nyy hem that ben of troblid herte; and he schal saue meke men in spirit. Psalms 34:19 Many tribulaciouns ben of iust men; and the Lord schal delyuere hem fro alle these. Psalms 34:20 The Lord kepith alle the boonys of hem; oon of tho schal not be brokun. Psalms 34:21 The deth of synneris is werst; and thei that haten a iust man schulen trespasse. Psalms 34:22 The Lord schal ayenbie the soulis of hise seruauntis; and alle, that hopen in him, schulen not trespasse.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!