Wycliffe Bible

Psalms 36

The grievous estate of the wicked.

Psalms 36:1 {The title of the fyue and thrittithe salm. To victorie, to Dauid, the seruaunt of the Lord.} The vniust man seide, that he trespasse in hym silf; the drede of God is not bifor hise iyen. Psalms 36:2 For he dide gilefuli in the siyt of God; that his wickidnesse be foundun to hatrede. Psalms 36:3 The wordis of his mouth ben wickidnesse and gile, he nolde vndirstonde to do wel. Psalms 36:4 He thouyte wickidnesse in his bed, he stood nyy al weie not good; forsothe he hatide not malice.

The excellency of God's mercy.

Psalms 36:5 Lord, thi merci is in heuene; and thi treuthe is til to cloudis. Psalms 36:6 Thi riytfulnesse is as the hillis of God; thi domes ben myche depthe of watris. Lord, thou schalt saue men and beestis; Psalms 36:7 as thou, God, hast multiplied thi merci. But the sones of men; schulen hope in the hilyng of thi wyngis. Psalms 36:8 Thei schulen be fillid gretli of the plentee of thin hows; and thou schalt yyue drynke to hem with the steef streem of thi likyng. Psalms 36:9 For the wel of life is at thee; and in thi liyt we schulen se liyt.

David prayeth for favour to God's children.

Psalms 36:10 Lord, sette forth thi mercy to hem, that knowen thee; and thi ryytfulnesse to hem that ben of riytful herte. Psalms 36:11 The foot of pryde come not to me; and the hond of the synnere moue me not. Psalms 36:12 There thei felden doun, that worchen wickidnesse; thei ben cast out, and myyten not stonde.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!