Wycliffe Bible

Psalms 38

David moveth God to take compassion of his pitiful case.

Psalms 38:1 {The title of the seuene and thrittithe salm. The salm of Dauid, to bythenke on the sabat.} Lord, repreue thou not me in thi strong veniaunce; nether chastice thou me in thin ire. Psalms 38:2 For thin arowis ben fitchid in me; and thou hast confermed thin hond on me. Psalms 38:3 Noon helthe is in my fleisch fro the face of thin ire; no pees is to my boonys fro the face of my synnes. Psalms 38:4 For my wickidnessis ben goon ouer myn heed; as an heuy birthun, tho ben maad heuy on me. Psalms 38:5 Myn heelid woundis weren rotun, and ben brokun; fro the face of myn vnwisdom. Psalms 38:6 I am maad a wretche, and Y am bowid doun til in to the ende; al dai Y entride sorewful. Psalms 38:7 For my leendis ben fillid with scornyngis; and helthe is not in my fleisch. Psalms 38:8 I am turmentid, and maad low ful greetli; Y roride for the weilyng of myn herte. Psalms 38:9 Lord, al my desire is bifor thee; and my weilyng is not hid fro thee. Psalms 38:10 Myn herte is disturblid in me, my vertu forsook me; and the liyt of myn iyen forsook me, and it is not with me. Psalms 38:11 My frendis and my neiyboris neiyiden; and stoden ayens me. And thei that weren bisidis me stoden afer; Psalms 38:12 and thei diden violence, that souyten my lijf. And thei that souyten yuels to me, spaken vanytees; and thouyten gilis al dai. Psalms 38:13 But Y as a deef man herde not; and as a doumb man not openynge his mouth. Psalms 38:14 And Y am maad as a man not herynge; and not hauynge repreuyngis in his mouth. Psalms 38:15 For, Lord, Y hopide in thee; my Lord God, thou schalt here me. Psalms 38:16 For Y seide, Lest ony tyme myn enemyes haue ioye on me; and the while my feet ben mouyd, thei spaken grete thingis on me. Psalms 38:17 For Y am redi to betyngis; and my sorewe is euere in my siyt. Psalms 38:18 For Y schal telle my wickidnesse; and Y schal thenke for my synne. Psalms 38:19 But myn enemyes lyuen, and ben confermed on me; and thei ben multiplyed, that haten me wickidli. Psalms 38:20 Thei that yelden yuels for goodis, backbitiden me; for Y suede goodnesse. Psalms 38:21 My Lord God, forsake thou not me; go thou not awei fro me. Psalms 38:22 Lord God of myn helthe; biholde thou in to myn help.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!