Wycliffe Bible

Psalms 4

David prayeth for audience.

Psalms 4:1 {The title of the fourthe salm. To the victorie in orguns; the salm of Dauid.} Whanne Y inwardli clepid, God of my riytwisnesse herde me; in tribulacioun thou hast alargid to me.

He reproveth and exhorteth his enemies.

Psalms 4:2 Haue thou mercy on me; and here thou my preier. Sones of men, hou long ben ye of heuy herte? whi louen ye vanite, and seken a leesyng? Psalms 4:3 And wite ye, that the Lord hath maad merueilous his hooli man; the Lord schal here me, whanne Y schal crye to hym. Psalms 4:4 Be ye wrothe, and nyle ye do synne; and for tho thingis whiche ye seien in youre hertis and in youre beddis, be ye compunct. Psalms 4:5 Sacrifie ye the sacrifice of riytfulnesse, and hope ye in the Lord; many seien, Who schewide goodis to vs?

Man's happiness is in God's favour.

Psalms 4:6 Lord, the liyt of thi cheer is markid on vs; thou hast youe gladnesse in myn herte. Psalms 4:7 Thei ben multiplied of the fruit of whete, and of wyn; and of her oile. Psalms 4:8 In pees in the same thing; Y schal slepe, and take reste. For thou, Lord; hast set me syngulerli in hope.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!