Wycliffe Bible

Psalms 42

David's zeal to serve God in the Temple.

Psalms 42:1 {The title of the oon and fourtithe salm. To victorie, to the sones of Chore.} As an hert desirith to the wellis of watris; so thou, God, my soule desirith to thee. Psalms 42:2 Mi soule thirstide to God, that is a quik welle; whanne schal Y come, and appere bifor the face of God? Psalms 42:3 Mi teeris weren looues to me bi dai and nyyt; while it is seid to me ech dai, Where is thi God? Psalms 42:4 I bithouyte of these thingis, and Y schedde out in me my soule; for Y schal passe in to the place of the wondurful tabernacle, til to the hows of God. In the vois of ful out ioiyng and knoulechyng; is the sown of the etere.

He encourageth his soul to trust in God.

Psalms 42:5 Mi soule, whi art thou sory; and whi disturblist thou me? Hope thou in God, for yit Y schal knouleche to hym; he is the helthe of my cheer, Psalms 42:6 and my God. My soule is disturblid at my silf; therfor, God, Y schal be myndeful of thee fro the lond of Jordan, and fro the litil hil Hermonyim. Psalms 42:7 Depthe clepith depthe; in the vois of thi wyndows. Alle thin hiye thingis and thi wawis; passiden ouer me. Psalms 42:8 The Lord sente his merci in the dai; and his song in the nyyt. Psalms 42:9 At me is a preier to the God of my lijf; Y schal seie to God, Thou art my takere vp. Whi foryetist thou me; and whi go Y sorewful, while the enemy turmentith me? Psalms 42:10 While my boonys ben brokun togidere; myn enemyes, that troblen me, dispiseden me. While thei seien to me, bi alle daies; Where is thi God? Psalms 42:11 Mi soule, whi art thou sori; and whi disturblist thou me? Hope thou in God, for yit Y schal knouleche to hym; he is the helthe of my cheer, and my God.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!