Wycliffe Bible

Psalms 46

The confidence which the Church hath in God.

Psalms 46:1 {The title of the five and fourtithe salm. To the ouercomere, the song of the sones of Chore, for yongthis.} Oure God, thou art refuyt, and vertu; helpere in tribulacions, that han founde vs greetly. Psalms 46:2 Therfor we schulen not drede, while the erthe schal be troblid; and the hillis schulen be borun ouer in to the herte of the see. Psalms 46:3 The watris of hem sowneden, and weren troblid; hillis weren troblid togidere in the strengthe of hym. Psalms 46:4 The feersnesse of flood makith glad the citee of God; the hiyeste God hath halewid his tabernacle. Psalms 46:5 God in the myddis therof schal not be moued; God schal helpe it eerli in the grey morewtid. Psalms 46:6 Hethene men weren disturblid togidere, and rewmes weren bowid doun; God yaf his vois, the erthe was moued. Psalms 46:7 The Lord of vertues is with vs; God of Jacob is oure vptakere.

An exhortation to behold it.

Psalms 46:8 Come ye, and se the werkis of the Lord; whiche wondris he hath set on the erthe. Psalms 46:9 He doynge awei batels til to the ende of the lond; schal al to-brese bouwe, and schal breke togidere armuris, and schal brenne scheldis bi fier. Psalms 46:10 Yyue ye tent, and se ye, that Y am God; Y schal be enhaunsid among hethene men; and Y schal be enhaunsid in erthe. Psalms 46:11 The Lord of vertues is with vs; God of Jacob is oure vptakere.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!