Wycliffe Bible

Psalms 50

The majesty of God in the Church.

Psalms 50:1 {The title of the nyne and fourtithe salm. The salm of Asaph.} God, the Lord of goddis, spak; and clepide the erthe, fro the risynge of the sunne til to the goyng doun. Psalms 50:2 The schap of his fairnesse fro Syon, God schal come opynli; Psalms 50:3 oure God, and he schal not be stille. Fier schal brenne an hiye in his siyt; and a strong tempest in his cumpas. Psalms 50:4 He clepide heuene aboue; and the erthe, to deme his puple.

His order to gather saints.

Psalms 50:5 Gadere ye to hym hise seyntis; that ordeynen his testament aboue sacrifices. Psalms 50:6 And heuenes schulen schewe his riytfulnesse; for God is the iuge.

The pleasure of God is not in ceremonies,

Psalms 50:7 Mi puple, here thou, and Y schal speke to Israel; and Y schal witnesse to thee, Y am God, thi God. Psalms 50:8 I schal not repreue thee in thi sacrifices; and thi brent sacrifices ben euere bifor me. Psalms 50:9 I schal not take calues of thin hows; nethir geet buckis of thi flockis. Psalms 50:10 For alle the wyelde beestis of wodis ben myne; werk beestis, and oxis in hillis. Psalms 50:11 I haue knowe alle the volatils of heuene; and the fairnesse of the feeld is with me. Psalms 50:12 If Y schal be hungry, Y schal not seie to thee; for the world and the fulnesse therof is myn. Psalms 50:13 Whether Y schal eete the fleischis of boolis? ethir schal Y drynke the blood of geet buckis?

but in sincerity of obedience.

Psalms 50:14 Offre thou to God the sacrifice of heriyng; and yelde thin avowis to the hiyeste God. Psalms 50:15 And inwardli clepe thou me in the dai of tribulacioun; and Y schal delyuere thee, and thou schalt onoure me. Psalms 50:16 But God seide to the synnere, Whi tellist thou out my riytfulnessis; and takist my testament bi thi mouth? Psalms 50:17 Sotheli thou hatidist lore; and hast cast awey my wordis bihynde. Psalms 50:18 If thou siyest a theef, thou hast runne with hym; and thou settidist thi part with avowtreris. Psalms 50:19 Thi mouth was plenteuouse of malice; and thi tunge medlide togidere giles. Psalms 50:20 Thou sittynge spakist ayens thi brother, and thou settidist sclaundir ayens the sone of thi modir; Psalms 50:21 thou didist these thingis, and Y was stille. Thou gessidist wickidli, that Y schal be lijk thee; Y schal repreue thee, and Y schal sette ayens thi face. Psalms 50:22 Ye that foryeten God, vndurstonde these thingis; lest sum tyme he rauysche, and noon be that schal delyuere. Psalms 50:23 The sacrifice of heriyng schal onoure me; and there is the weie, where ynne Y schal schewe to hym the helthe of God.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!


Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
Apple iBookstore
Apple iPad/iPhone/iPod
Barnes & Noble Nook
Barnes & Noble Nook