Wycliffe Bible

Psalms 55

David in his prayer complaineth of his fearful case.

Psalms 55:1 {The title of the foure and fiftithe salm. In Ebreu thus, To victorie in orguns, the lernyng of Dauid. In Jeroms translacioun thus, To the ouercomer in salmes of Dauid lernid.} God, here thou my preier, and dispise thou not my biseching; Psalms 55:2 yyue thou tent to me, and here thou me. I am sorewful in myn exercising; and Y am disturblid of the face of the enemye, Psalms 55:3 and of the tribulacioun of the synner. For thei bowiden wickidnessis in to me; and in ire thei weren diseseful to me. Psalms 55:4 Myn herte was disturblid in me; and the drede of deth felde on me. Psalms 55:5 Drede and trembling camen on me; and derknessis hiliden me. Psalms 55:6 And Y seide, Who schal yyue to me fetheris, as of a culuer; and Y schal fle, and schal take rest? Psalms 55:7 Lo! Y yede fer awei, and fledde; and Y dwellide in wildirnesse. Psalms 55:8 I abood hym, that made me saaf fro the litilnesse, ether drede, of spirit; and fro tempest.

He prayeth against his enemies, of whose wickedness and treachery he complaineth.

Psalms 55:9 Lord, caste thou doun, departe thou the tungis of hem; for Y siy wickidnesse and ayenseiyng in the citee. Psalms 55:10 Bi dai and nyyt wickidnesse schal cumpasse it on the wallis therof; Psalms 55:11 and trauel and vnriytfulnesse ben in the myddis therof. And vsure and gile failide not; fro the stretis therof. Psalms 55:12 For if myn enemye hadde cursid me; sotheli Y hadde suffride. And if he, that hatide me, hadde spoke greet thingis on me; in hap Y hadde hid me fro hym. Psalms 55:13 But thou art a man of o wille; my leeder, and my knowun. Psalms 55:14 Which tokist togidere swete meetis with me; we yeden with consent in the hous of God. Psalms 55:15 Deth come on hem; and go thei doun quyk in to helle. For weiwardnessis ben in the dwelling places of hem; in the myddis of hem.

He comforteth himself in God's preservation of him, and confusion of his enemies.

Psalms 55:16 But Y criede to thee, Lord; and the Lord sauede me. Psalms 55:17 In the euentid and morewtid and in myddai Y schal telle, and schewe; and he schal here my vois. Psalms 55:18 He schal ayenbie my soule in pees fro hem, that neiyen to me; for among manye thei weren with me. Psalms 55:19 God schal here; and he that is bifore the worldis schal make hem low. For chaungyng is not to hem, and thei dredden not God; Psalms 55:20 he holdith forth his hoond in yelding. Thei defouliden his testament, Psalms 55:21 the cheris therof weren departid fro ire; and his herte neiyede. The wordis therof weren softer than oyle; and tho ben dartis. Psalms 55:22 Caste thi cure on the Lord, and he schal fulli nurische thee; and he schal not yyue with outen ende flotering to a iust man. Psalms 55:23 But thou, God, schalt lede hem forth; in to the pit of deth. Menquelleris and gilours schulen not haue half her daies; but, Lord, Y schal hope in thee.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!