Wycliffe Bible

Psalms 57

David in prayer fleeing unto God complaineth of his dangerous case.

Psalms 57:1 {The title of the sixte and fiftithe salm. In Ebreu thus, To the victorie, lese thou not the semeli song, ether the swete song of Dauid, whanne he fledde fro the face of Saul in to the denne. In Jeroms translacioun thus, For victorie, that thou lese not Dauid, meke and simple, whanne he fledde fro the face of Saul in to the denne.} God, haue thou merci on me, haue thou merci on me; for my soule tristith in thee. And Y schal hope in the schadewe of thi wyngis; til wickidnesse passe. Psalms 57:2 I schal crye to God altherhiyeste; to God that dide wel to me. Psalms 57:3 He sente fro heuene, and delyuerede me; he yaf in to schenschip hem that defoulen me. God sente his merci and his treuthe, Psalms 57:4 and delyuerede my soule fro the myddis of whelpis of liouns; Y slepte disturblid. The sones of men, the teeth of hem ben armuris and arowis; and her tunge is a scharp swerd. Psalms 57:5 God, be thou enhaunsid aboue heuenes; and thi glorie aboue al erthe. Psalms 57:6 Thei maden redi a snare to my feet; and thei greetly boweden my lijf. Thei delueden a diche bifore my face; and thei felden doun in to it.

He encourageth himself to praise God.

Psalms 57:7 God, myn herte is redi, myn herte is redi; Y schal singe, and Y schal seie salm. Psalms 57:8 Mi glorie, rise thou vp; sautrie and harpe, rise thou vp; Y schal rise vp eerli. Psalms 57:9 Lord, Y schal knouleche to thee among puplis; and Y schal seie salm among hethene men. Psalms 57:10 For thi merci is magnified til to heuenes; and thi treuthe til to cloudis. Psalms 57:11 God, be thou enhaunsid aboue heuenes; and thi glorie ouer al erthe.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!