Wycliffe Bible

Psalms 59

David prayeth to be delivered from his enemies.

Psalms 59:1 {The title of the eiyte and fiftithe salm. In Jeroms translacioun thus, To the ouercomer, that thou lese not Dauid, meke and simple, whanne Saul sente and kepte the hous, to slee hym. In Ebreu thus, To the ouercomyng, leese thou not the semeli song of Dauid, and so forth.} Mi God, delyuer thou me fro myn enemyes; and delyuer thou me fro hem that risen ayens me. Psalms 59:2 Delyuer thou me fro hem that worchen wickidnesse; and saue thou me fro menquelleris. Psalms 59:3 For lo! thei han take my soule; stronge men fellen in on me. Psalms 59:4 Nethir my wickidnesse, nether my synne; Lord, Y ran with out wickidnesse, and dresside my werkis. Psalms 59:5 Rise vp thou in to my meetyng, and se; and thou, Lord God of vertues, art God of Israel. Yyue thou tent to visite alle folkis; do thou not merci to alle that worchen wickidnesse.

He complaineth of their cruelty.

Psalms 59:6 Thei schulen be turned at euentid, and thei as doggis schulen suffre hungir; and thei schulen cumpas the citee. Psalms 59:7 Lo! thei schulen speke in her mouth, and a swerd in her lippis; for who herde?

He trusteth in God.

Psalms 59:8 And thou, Lord, schalt scorne hem; thou schalt bringe alle folkis to nouyt. Psalms 59:9 I schal kepe my strengthe to thee; for God is myn vptaker, Psalms 59:10 my God, his mercy schal come byfore me. God schewide to me on myn enemyes,

He prayeth against them.

Psalms 59:11 slee thou not hem; lest ony tyme my puples foryete. Scatere thou hem in thi vertu; and, Lord, my defender, putte thou hem doun. Psalms 59:12 Putte thou doun the trespas of her mouth, and the word of her lippis; and be thei takun in her pride. And of cursyng and of leesyng; thei schulen be schewid in the endyng. Psalms 59:13 In the ire of ending, and thei schulen not be; and thei schulen wite, that the Lord schal be Lord of Jacob, and of the endis of erthe. Psalms 59:14 Thei schulen be turned at euentid, and thei as doggis schulen suffre hungur; and thei schulen cumpas the citee. Psalms 59:15 Thei schulen be scaterid abrood, for to eete; sotheli if thei ben not fillid, and thei schulen grutche.

He praiseth God.

Psalms 59:16 But Y schal synge thi strengthe; and eerli Y schal enhaunse thi merci. For thou art maad myn vptaker; and my refuyt, in the dai of my tribulacioun. Psalms 59:17 Myn helper, Y schal synge to thee; for thou art God, myn vptaker, my God, my mercy.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!