Wycliffe Bible

Psalms 63

David's thirst for God.

Psalms 63:1 {The titil of the two and sixtithe salm. The salm of Dauid, whanne he was in the desert of Judee.} God, my God, Y wake to thee ful eerli. Mi soule thirstide to thee; my fleisch thirstide to thee ful many foold. Psalms 63:2 In a lond forsakun with out wei, and with out water, so Y apperide to thee in hooli; that Y schulde se thi vertu, and thi glorie. Psalms 63:3 For thi merci is betere than lyues; my lippis schulen herie thee.

His manner of blessing God.

Psalms 63:4 So Y schal blesse thee in my lijf; and in thi name Y schal reise myn hondis. Psalms 63:5 Mi soule be fillid as with inner fatnesse and vttermere fatnesse; and my mouth schal herie with lippis of ful out ioiyng. Psalms 63:6 So Y hadde mynde on thee on my bed, in morewtidis Y shal thenke of thee; Psalms 63:7 for thou were myn helpere. And in the keueryng of thi wyngis Y schal make ful out ioye, Psalms 63:8 my soule cleuede after thee; thi riythond took me vp.

His confidence of his enemies' destruction, and his own safety.

Psalms 63:9 Forsothe thei souyten in veyn my lijf, thei schulen entre in to the lower thingis of erthe; Psalms 63:10 thei schulen be bitakun in to the hondis of swerd, thei schulen be maad the partis of foxis. Psalms 63:11 But the king schal be glad in God; and alle men schulen be preysid that sweren in hym, for the mouth of hem, that speken wickid thingis, is stoppid.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!