Wycliffe Bible

Psalms 72

David, praying for Solomon, sheweth the goodness and glory of his, in type, and in truth, of Christ's Kingdom.

Psalms 72:1 {The title of the oon and seuentithe salm. To Salomon.} God, yyue thi doom to the king; and thi riytfulnesse to the sone of a king. Psalms 72:2 To deme thi puple in riytfulnesse; and thi pore men in doom. Psalms 72:3 Mounteyns resseyue pees to the puple; and litle hillis resseyue riytfulnesse. Psalms 72:4 He schal deme the pore men of the puple, and he schal make saaf the sones of pore men; and he schal make low the false chalengere. Psalms 72:5 And he schal dwelle with the sunne, and bifore the moone; in generacioun and in to generacioun. Psalms 72:6 He schal come doun as reyn in to a flees; and as goteris droppinge on the erthe. Psalms 72:7 Riytfulnesse schal come forth in hise dayes, and the aboundaunce of pees; til the moone be takun awei. Psalms 72:8 And he schal be lord fro the-see til to the see; and fro the flood til to the endis of the world. Psalms 72:9 Ethiopiens schulen falle doun bifore hym; and hise enemyes schulen licke the erthe. Psalms 72:10 The kyngis of Tarsis and ilis schulen offre yiftis; the kyngis of Arabie and of Saba schulen brynge yiftis. Psalms 72:11 And alle kyngis schulen worschipe hym; alle folkis schulen serue hym. Psalms 72:12 For he schal delyuer a pore man fro the miyti; and a pore man to whom was noon helpere. Psalms 72:13 He schal spare a pore man and nedi; and he schal make saaf the soulis of pore men. Psalms 72:14 He schal ayen bie the soulis of hem fro vsuris, and wickidnesse; and the name of hem is onourable bifor hym. Psalms 72:15 And he schal lyue, and me schal yyue to hym of the gold of Arabie; and thei schulen euere worschipe of hym, al dai thei schulen blesse hym. Psalms 72:16 Stidefastnesse schal be in the erthe, in the hiyeste places of mounteyns; the fruyt therof schal be enhaunsid aboue the Liban; and thei schulen blosme fro the citee, as the hey of erthe doith. Psalms 72:17 His name be blessid in to worldis; his name dwelle bifore the sunne. And all the lynagis of erthe schulen be blessid in hym; alle folkis schulen magnyfie hym.

He blesseth God.

Psalms 72:18 Blessid be the Lord God of Israel; which aloone makith merueiylis. Psalms 72:19 Blessid be the name of his maieste with outen ende; and al erthe schal be fillid with his maieste; be it doon, be it doon. Psalms 72:20 The preieris of Dauid, the sone of Ysay, ben endid.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!