Wycliffe Bible

Psalms 73

The prophet, prevailing in a temptation,

Psalms 73:1 {The title of the two and seuentithe salm. The salm of Asaph.} God of Israel is ful good; to hem that ben of riytful herte.

sheweth the occasion thereof, the prosperity of the wicked:

Psalms 73:2 But my feet weren moued almeest; my steppis weren sched out almeest. Psalms 73:3 For Y louede feruentli on wickid men; seynge the pees of synneris. Psalms 73:4 For biholdyng is not to the deth of hem; and stidefastnesse in the sikenesse of hem. Psalms 73:5 Thei ben not in the trauel of men; and thei schulen not be betun with men. Psalms 73:6 Therfore pride helde hem; thei weren hilid with her wickidnesse and vnfeithfulnesse. Psalms 73:7 The wickidnesse of hem cam forth as of fatnesse; thei yeden in to desire of herte. Psalms 73:8 Thei thouyten and spaken weiwardnesse; thei spaken wickidnesse an hiy. Psalms 73:9 Thei puttiden her mouth in to heuene; and her tunge passide in erthe. Psalms 73:10 Therfor my puple schal be conuertid here; and fulle daies schulen be foundun in hem. Psalms 73:11 And thei seiden, How woot God; and whether kunnyng is an heiye, that is, in heuene? Psalms 73:12 Lo! thilke synneris and hauynge aboundance in the world; helden richessis.

the wound given thereby, diffidence.

Psalms 73:13 And Y seide, Therfor without cause Y iustifiede myn herte; and waischide myn hoondis among innocentis. Psalms 73:14 And Y was betun al dai; and my chastisyng was in morutidis.

The victory over it, knowledge of God's purpose, in destroying of the wicked, and sustaining the righteous.

Psalms 73:15 If Y seide, Y schal telle thus; lo! Y repreuede the nacioun of thi sones. Psalms 73:16 I gesside, that Y schulde knowe this; trauel is bifore me. Psalms 73:17 Til Y entre in to the seyntuarie of God; and vndurstonde in the last thingis of hem. Psalms 73:18 Netheles for gilis thou hast put to hem; thou castidist hem doun, while thei weren reisid. Psalms 73:19 Hou ben thei maad into desolacioun; thei failiden sodeynli, thei perischiden for her wickidnesse. Psalms 73:20 As the dreem of men that risen; Lord, thou schalt dryue her ymage to nouyt in thi citee. Psalms 73:21 For myn herte is enflaumed, and my reynes ben chaungid; Psalms 73:22 and Y am dryuun to nouyt, and Y wiste not. As a werk beeste Y am maad at thee; Psalms 73:23 and Y am euere with thee. Thou heldist my riythond, Psalms 73:24 and in thi wille thou leddist me forth; and with glorie thou tokist me vp. Psalms 73:25 For whi what is to me in heuene; and what wolde Y of thee on erthe? Psalms 73:26 Mi fleische and myn herte failide; God of myn herte, and my part is God withouten ende. Psalms 73:27 For lo! thei that drawen awei fer hem silf fro thee, bi deedli synne, schulen perische; thou hast lost alle men that doen fornycacioun fro thee. Psalms 73:28 But it is good to me to cleue to God; and to sette myn hope in the Lord God. That Y telle alle thi prechyngis; in the yatis of the douyter of Syon.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!