Wycliffe Bible

Psalms 77

The psalmist sheweth what fierce combat he had with diffidence.

Psalms 77:1 {The title of the sixte and seuentithe salm. To the ouercomere on Yditum, the salm of Asaph.} With my vois Y criede to the Lord; with my vois to God, and he yaf tent to me. Psalms 77:2 In the dai of my tribulacioun Y souyte God with myn hondis; in the nyyt to fore hym, and Y am not disseyued. Mi soule forsook to be coumfortid; Psalms 77:3 Y was myndeful of God, and Y delitide, and Y was exercisid; and my spirit failide. Psalms 77:4 Myn iyen bifore took wakyngis; Y was disturblid, and Y spak not. Psalms 77:5 I thouyte elde daies; and Y hadde in mynde euerlastinge yeeris. Psalms 77:6 And Y thouyte in the nyyt with myn herte; and Y was exercisid, and Y clensid my spirit. Psalms 77:7 Whether God schal caste awei with outen ende; ether schal he not lei to, that he be more plesid yit? Psalms 77:8 Ethir schal he kitte awei his merci into the ende; fro generacioun in to generacioun? Psalms 77:9 Ethir schal God foryete to do mercy; ethir schal he withholde his mercies in his ire?

The victory which he had by consideration of God's great and gracious works.

Psalms 77:10 And Y seide, Now Y bigan; this is the chaunging of the riythond of the hiye God. Psalms 77:11 I hadde mynde on the werkis of the Lord; for Y schal haue mynde fro the bigynnyng of thi merueilis. Psalms 77:12 And Y schal thenke in alle thi werkis; and Y schal be occupied in thi fyndyngis. Psalms 77:13 God, thi weie was in the hooli; what God is greet as oure God? Psalms 77:14 thou art God, that doist merueilis. Thou madist thi vertu knowun among puplis; Psalms 77:15 thou ayenbouytist in thi arm thi puple, the sones of Jacob and of Joseph. Psalms 77:16 God, watris sien thee, watris sien thee, and dredden; and depthis of watris weren disturblid. Psalms 77:17 The multitude of the soun of watris; cloudis yauen vois. Psalms 77:18 For whi thin arewis passen; the vois of thi thundir was in a wheel. Thi liytnyngis schyneden to the world; the erthe was moued, and tremblid. Psalms 77:19 Thi weie in the see, and thi pathis in many watris; and thi steppis schulen not be knowun. Psalms 77:20 Thou leddist forth thi puple as scheep; in the hond of Moyses and of Aaron.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!