Wycliffe Bible

Psalms 80

The psalmist in his prayer complaineth of the miseries of the Church.

Psalms 80:1 {The title of the nyne and seuentithe salm. To victorie; this salm is witnessing of Asaph for lilies.} Thou that gouernest Israel, yyue tent; that leedist forth Joseph as a scheep. Thou that sittist on cherubym; be schewid bifore Effraym, Psalms 80:2 Beniamyn, and Manasses. Stire thi power, and come thou; that thou make vs saaf. Psalms 80:3 God of vertues, turne thou vs; and schewe thi face, and we schulen be saaf. Psalms 80:4 Lord God of vertues; hou longe schalt thou be wrooth on the preier of thi seruaunt? Psalms 80:5 Hou longe schalt thou feede vs with the breed of teeris; and schalt yyue drynke to vs with teeris in mesure? Psalms 80:6 Thou hast set vs in to ayenseiyng to oure neiyboris; and oure enemyes han scornyde vs. Psalms 80:7 God of vertues, turne thou vs; and schewe thi face, and we schulen be saaf.

God's former favours are turned into judgments.

Psalms 80:8 Thou translatidist a vyne fro Egipt; thou castidist out hethene men, and plauntidist it. Psalms 80:9 Thou were leeder of the weie in the siyt therof; and thou plauntidist the rootis therof, and it fillide the lond. Psalms 80:10 The schadewe therof hilide hillis; and the braunchis therof filliden the cedris of God. Psalms 80:11 It streiyte forth hise siouns til to the see, and the generacioun ther of til to the flood. Psalms 80:12 Whi hast thou destried the wal therof; and alle men that goen forth bi the weie gaderiden awei the grapis therof? Psalms 80:13 A boor of the wode distriede it; and a singuler wielde beeste deuouride it.

He prayeth for deliverance.

Psalms 80:14 God of vertues, be thou turned; biholde thou fro heuene, and se, and visite this vyne. Psalms 80:15 And make thou it perfit, which thi riythond plauntide; and biholde thou on the sone of man, which thou hast confermyd to thee. Psalms 80:16 Thingis brent with fier, and vndurmyned; schulen perische for the blamyng of thi cheer. Psalms 80:17 Thin hond be maad on the man of thi riythond; and on the sone of man, whom thou hast confermed to thee. Psalms 80:18 And we departiden not fro thee; thou schalt quykene vs, and we schulen inwardli clepe thi name. Psalms 80:19 Lord God of vertues, turne thou vs; and schewe thi face, and we schulen be saaf.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!