Wycliffe Bible

Psalms 86

David strengtheneth his prayer by the conscience of his religion,

Psalms 86:1 {The title of the fyue and eiytetithe salm. The preier of Dauid.} Lord, bowe doun thin eere, and here me; for Y am nedi and pore. Psalms 86:2 Kepe thou my lijf, for Y am holi; my God, make thou saaf thi seruaunt hopynge in thee. Psalms 86:3 Lord, haue thou merci on me, for Y criede al day to thee; Psalms 86:4 make thou glad the soule of thi seruaunt, for whi, Lord, Y haue reisid my soule to thee.

by the goodness and power of God.

Psalms 86:5 For thou, Lord, art swete and mylde; and of myche merci to alle men inwardli clepynge thee. Psalms 86:6 Lord, perseyue thou my preier with eeris; and yyue thou tente to the vois of my bisechyng. Psalms 86:7 In the dai of my tribulacioun Y criede to thee; for thou herdist me. Psalms 86:8 Lord, noon among goddis is lijk thee; and noon is euene to thi werkis. Psalms 86:9 Lord, alle folkis, whiche euere thou madist, schulen come, and worschipe bifore thee; and thei schulen glorifie thi name. Psalms 86:10 For thou art ful greet, and makinge merueils; thou art God aloone.

He desireth the continuance of former grace.

Psalms 86:11 Lord, lede thou me forth in thi weie, and Y schal entre in thi treuthe; myn herte be glad, that it drede thi name. Psalms 86:12 Mi Lord God, Y schal knouleche to thee in al myn herte; and Y schal glorifie thi name withouten ende. Psalms 86:13 For thi merci is greet on me; and thou deliueridist my soule fro the lower helle.

Complaining of the proud, he craveth some token of God's goodness.

Psalms 86:14 God, wickid men han rise vp on me; and the synagoge of myyti men han souyt my lijf; and thei han not set forth thee in her siyt. Psalms 86:15 And thou, Lord God, doynge merci, and merciful; pacient, and of myche merci, and sothefast. Psalms 86:16 Biholde on me, and haue mercy on me, yyue thou the empire to thi child; and make thou saaf the sone of thin handmayden. Psalms 86:17 Make thou with me a signe in good, that thei se, that haten me, and be aschamed; for thou, Lord, hast helpid me, and hast coumfortid me.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!