Wycliffe Bible

Psalms 91

The state of the godly.

Psalms 91:1 {The nyntithe salm.} He that dwellith in the help of the hiyeste God; schal dwelle in the proteccioun of God of heuene. Psalms 91:2 He schal seie to the Lord, Thou art myn vptaker, and my refuit; my God, Y schal hope in him.

Their safety.

Psalms 91:3 For he delyuered me fro the snare of hunteris; and fro a scharp word. Psalms 91:4 With hise schuldris he schal make schadowe to thee; and thou schalt haue hope vnder hise fetheris. Psalms 91:5 His treuthe schal cumpasse thee with a scheld; thou schalt not drede of nyytis drede. Psalms 91:6 Of an arowe fliynge in the dai, of a gobelyn goynge in derknessis; of asailing, and a myddai feend. Psalms 91:7 A thousynde schulen falle doun fro thi side, and ten thousynde fro thi riytside; forsothe it schal not neiye to thee. Psalms 91:8 Netheles thou schalt biholde with thin iyen; and thou schalt se the yelding of synneris.

Their habitation.

Psalms 91:9 For thou, Lord, art myn hope; thou hast set thin help altherhiyeste. Psalms 91:10 Yuel schal not come to thee; and a scourge schal not neiye to thi tabernacle.

Their servants.

Psalms 91:11 For God hath comaundid to hise aungels of thee; that thei kepe thee in alle thi weies. Psalms 91:12 Thei schulen beere thee in the hondis; leste perauenture thou hirte thi foot at a stoon. Psalms 91:13 Thou schalt go on a snake, and a cocatrice; and thou schalt defoule a lioun and a dragoun.

Their friend, with the effects of them all.

Psalms 91:14 For he hopide in me, Y schal delyuere hym; Y schal defende him, for he knew my name. Psalms 91:15 He criede to me, and Y schal here him, Y am with him in tribulacioun; Y schal delyuere him, and Y schal glorifie hym. Psalms 91:16 I schal fille hym with the lengthe of daies; and Y schal schewe myn helthe to him.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!