Wycliffe Bible

Psalms 92

The prophet exhorteth to praise God,

Psalms 92:1 {The title of the oon and nyntithe salm. The salm of song, in the dai of sabath.} It is good to knouleche to the Lord; and to synge to thi name, thou hiyeste. Psalms 92:2 To schewe eerli thi merci; and thi treuthe bi nyyt. Psalms 92:3 In a sautrie of ten cordis; with song in harpe.

for his great works,

Psalms 92:4 For thou, Lord, hast delitid me in thi makyng; and Y schal make ful out ioye in the werkis of thin hondis. Psalms 92:5 Lord, thi werkis ben magnefied greetli; thi thouytis ben maad ful depe.

for his judgments on the wicked,

Psalms 92:6 An vnwise man schal not knowe; and a fool schal not vndirstonde these thingis. Psalms 92:7 Whanne synneris comen forth, as hey; and alle thei apperen, that worchen wickidnesse. Psalms 92:8 That thei perische in to the world of world; forsothe thou, Lord, art the hiyest, withouten ende. For lo! Psalms 92:9 Lord, thin enemyes, for lo! thin enemyes schulen perische; and alle schulen be scaterid that worchen wickidnesse.

and for his goodness to the godly.

Psalms 92:10 And myn horn schal be reisid as an vnicorn; and myn eelde in plenteuouse merci. Psalms 92:11 And myn iye dispiside myn enemyes; and whanne wickid men rysen ayens me, myn eere schal here. Psalms 92:12 A iust man schal floure as a palm tree; he schal be multiplied as a cedre of Liban. Psalms 92:13 Men plauntid in the hous of the Lord; schulen floure in the porchis of the hous of oure God. Psalms 92:14 Yit thei schulen be multiplied in plenteuouse elde; and thei schulen be suffryng wel. Psalms 92:15 That thei telle, that oure Lord God is riytful; and no wickidnesse is in hym.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!