Wycliffe Bible

Psalms 96

An exhortation to praise God,

Psalms 96:1 {The fyue and nyntithe salm hath no title.} Singe ye a newe song to the Lord; al erthe, synge ye to the Lord. Psalms 96:2 Synge ye to the Lord, and blesse ye his name; telle ye his heelthe fro dai in to dai. Psalms 96:3 Telle ye his glorie among hethene men; hise merueilis among alle puplis.

for his greatness,

Psalms 96:4 For the Lord is greet, and worthi to be preisid ful myche; he is ferdful aboue alle goddis. Psalms 96:5 For alle the goddis of hethene men ben feendis; but the Lord made heuenes. Psalms 96:6 Knouleching and fairnesse is in his siyt; hoolynesse and worthi doyng is in his halewing. Psalms 96:7 Ye cuntrees of hethene men, brynge to the Lord, bringe ye glorye and onour to the Lord;

for his Kingdom,

Psalms 96:8 bringe ye to the Lord glorie to hys name. Take ye sacrificis, and entre ye in to the hallis of hym; Psalms 96:9 herie ye the Lord in his hooli halle. Al erthe be moued of his face; Psalms 96:10 seie ye among hethene men, that the Lord hath regned. And he hath amendid the world, that schal not be moued; he schal deme puplis in equite. Psalms 96:11 Heuenes be glad, and the erthe make ful out ioye, the see and the fulnesse therof be moued togidere; feeldis schulen make ioye, Psalms 96:12 and alle thingis that ben in tho. Thanne alle the trees of wodis schulen make ful out ioye, for the face of the Lord, for he cometh;

for his general judgment.

Psalms 96:13 for he cometh to deme the erthe. He schal deme the world in equite; and puplis in his treuthe.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!