Wycliffe Bible

Psalms 97

The majesty of God's Kingdom.

Psalms 97:1 {The sixe and nyntithe salm.} The Lord hath regned, the erthe make ful out ioye; many ilis be glad. Psalms 97:2 Cloude and derknesse in his cumpas; riytfulnesse and doom is amending of his seete. Psalms 97:3 Fier schal go bifore him; and schal enflawme hise enemyes in cumpas. Psalms 97:4 Hise leitis schyneden to the world; the erthe siy, and was moued. Psalms 97:5 Hillis as wax fletiden doun fro the face of the Lord; al erthe fro the face of the Lord. Psalms 97:6 Heuenes telden his riytfulnesse; and alle puplis sien his glorie.

The Church rejoiceth at God's judgments upon idolaters.

Psalms 97:7 Alle that worschipen sculptilis be schent, and thei that han glorie in her symelacris; alle ye aungels of the Lord, worschipe him. Psalms 97:8 Sion herde, and was glad, and the douytris of Juda maden ful out ioye; for thi domes, Lord. Psalms 97:9 For thou, Lord, art the hiyeste on al erthe; thou art greetli enhaunsid ouere alle goddis.

An exhortation to goodness and gladness.

Psalms 97:10 Ye that louen the Lord, hate yuel; the Lord kepith the soulis of hise seyntis; he schal delyuer hem fro the hond of the synner. Psalms 97:11 Liyt is risun to the riytful man; and gladnesse to riytful men of herte. Psalms 97:12 Juste men, be ye glad in the Lord; and knouleche ye to the mynde of his halewyng.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!