God's mercies must move us to please God.
Romans 12:1 Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable. Romans 12:2 And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.
No man must think too well of himself,
Romans 12:3 For Y seie, bi the grace that is youun to me, to alle that ben among you, that ye sauere no more than it bihoueth to sauere, but for to sauere to sobrenesse; and to ech man, as God hath departid the mesure of feith. Romans 12:4 For as in o bodi we han many membris, but alle the membris han not the same dede; Romans 12:5 so we many ben o bodi in Crist, and eche ben membris oon of anothir.
but attend, every one, on that calling wherein he is placed.
Romans 12:6 Therfor we that han yiftis dyuersynge, aftir the grace that is youun to vs, Romans 12:7 ethir prophecie, aftir the resoun of feith; ethir seruise, in mynystryng; ether he that techith, in techyng; Romans 12:8 he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.
Love, and many other duties, are required of us.
Romans 12:9 Loue with outen feynyng, hatynge yuel, drawynge to good; Romans 12:10 louynge togidere the charite of britherhod. Eche come bifore to worschipen othere; Romans 12:11 not slow in bisynesse, feruent in spirit, seruynge to the Lord, Romans 12:12 ioiynge in hope, pacient in tribulacioun, bisy in preier, Romans 12:13 yyuynge good to the nedis of seyntis, kepynge hospitalite. Romans 12:14 Blesse ye men that pursuen you; blesse ye, and nyle ye curse; Romans 12:15 for to ioye with men that ioyen, for to wepe with men that wepen. Romans 12:16 Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf; Romans 12:17 to no man yeldynge yuel for yuel, but purueye ye good thingis, not oneli bifor God, but also bifor alle men. Romans 12:18 If it may be don, that that is of you, haue ye pees with alle men.
Revenge is specially forbidden.
Romans 12:19 Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde. Romans 12:20 But if thin enemy hungrith, fede thou hym; if he thirstith, yyue thou drynke to hym; for thou doynge this thing schalt gidere togidere colis on his heed. Romans 12:21 Nyle thou be ouercomun of yuel, but ouercome thou yuel bi good.