Wycliffe Bible

Romans 15

The strong must bear with the weak.

Romans 15:1 But we saddere men owen to susteyne the feblenesses of sijke men, and not plese to vs silf.

We may not please ourselves,

Romans 15:2 Eche of vs plese to his neiybore in good, to edificacioun.

for Christ did not so,

Romans 15:3 For Crist pleside not to hym silf, as it is writun, The repreues of men dispisynge thee, felden on me. Romans 15:4 For what euere thingis ben writun, tho ben writun to oure techynge, that bi pacience and coumfort of scripturis we haue hope. Romans 15:5 But God of pacience and of solace yyue to you to vndurstonde the same thing, ech in to othere aftir Jhesu Crist, Romans 15:6 that ye of o wille with o mouth worschipe God and the fadir of oure Lord Jhesu Crist.

but receive one the other, as Christ did us all,

Romans 15:7 For which thing take ye togidere, as also Crist took you in to the onour of God.

both Jews

Romans 15:8 For Y seie, that Jhesu Crist was a mynystre of circumcisioun for the treuthe of God, to conferme the biheestis of fadris.

and Gentiles.

Romans 15:9 And hethene men owen to onoure God for merci; as it is writun, Therfor, Lord, Y schal knowleche to thee among hethene men, and Y schal synge to thi name. Romans 15:10 And eft he seith, Ye hethene men, be ye glad with his puple. Romans 15:11 And eft, Alle hethene men, herie ye the Lord; and alle puplis, magnefie ye hym. Romans 15:12 And eft Isaie seith, Ther schal be a roote of Jesse, that schal rise vp to gouerne hethene men, and hethene men schulen hope in hym. Romans 15:13 And God of hope fulfille you in al ioye and pees in bileuynge, that ye encrees in hope and vertu of the Hooli Goost. Romans 15:14 And, britheren, Y my silf am certeyn of you, that also ye ben ful of loue, and ye ben fillid with al kunnyng, so that ye moun moneste ech other.

Paul excuseth his writing,

Romans 15:15 And, britheren, more boldli Y wroot to you a parti, as bryngynge you in to mynde, for the grace that is youun to me of God, Romans 15:16 that Y be the mynystre of Crist Jhesu among hethene men. And Y halewe the gospel of God, that the offryng of hethene men be acceptid, and halewid in the Hooli Goost. Romans 15:17 Therfor Y haue glorie in Crist Jhesu to God. Romans 15:18 For Y dar not speke ony thing of tho thingis, whiche Crist doith not bi me, in to obedience of hethene men, in word and dedis, Romans 15:19 in vertu of tokenes and grete wondris, in vertu of the Hooli Goost, so that fro Jerusalem bi cumpas to the Illirik see Y haue fillid the gospel of Crist. Romans 15:20 And so Y haue prechid this gospel, not where Crist was named, lest Y bilde vpon anotheres ground, but as it is writun, Romans 15:21 For to whom it is not teld of him, thei schulen se, and thei that herden not, schulen vndurstonde. Romans 15:22 For which thing Y was lettid ful myche to come to you, and Y am lettid to this tyme. Romans 15:23 And now Y haue not ferthere place in these cuntrees, but Y haue desire to come to you, of many yeris that ben passid. Romans 15:24 Whanne Y bygynne to passe in to Spayne, Y hope that in my goyng Y schal se you, and of you Y schal be led thidur, if Y vse you first in parti. Romans 15:25 Therfor now Y schal passe forth to Jerusalem, to mynystre to seyntis. Romans 15:26 For Macedonye and Acaie han assaied to make sum yifte to pore men of seyntis, that ben in Jerusalem. Romans 15:27 For it pleside to hem, and thei ben dettouris of hem; for hethene men ben maad parteneris of her goostli thingis, thei owen also in fleischli thingis to mynystre to hem.

and promiseth to see them,

Romans 15:28 Therfor whanne Y haue endid this thing, and haue asigned to hem this fruyt, Y schal passe bi you in to Spayne. Romans 15:29 And Y woot, that Y comynge to you, schal come in to the abundaunce of the blessing of Crist.

and requesteth their prayers.

Romans 15:30 Therfor, britheren, Y biseche you bi oure Lord Jhesu Crist, and bi charite of the Hooli Goost, that ye helpe me in youre preyeris to the Lord, Romans 15:31 that Y be delyuerid fro the vnfeithful men, that ben in Judee, and that the offryng of my seruyce be acceptid in Jerusalem to seyntis; Romans 15:32 that Y come to you in ioye, bi the wille of God, and that Y be refreischid with you. Romans 15:33 And God of pees be with you alle. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!