Wycliffe Bible

Romans 16

Romans 16:1 And Y comende to you Feben, oure sister, which is in the seruyce of the chirche that is at Teucris, Romans 16:2 that ye resseyue hir in the Lord worthili to seyntis, and that ye helpe hir in what euere cause sche schal nede of you. For sche helpide many men, and my silf.

Paul willeth the brethren to greet many,

Romans 16:3 Grete ye Prisca and Aquyla, myn helperis in Crist Jhesu, Romans 16:4 which vndurputtiden her neckis for my lijf; to whiche not Y aloone do thankyngis, but also alle the chirchis of hethene men. Romans 16:5 And grete ye wel her meyneal chirche. Grete wel Efenete, louyd to me, that is the firste of Asie in Crist Jhesu. Romans 16:6 Grete wel Marie, the whiche hath trauelid myche in vs. Romans 16:7 Grete wel Andronyk and Julian, my cosyns, and myn euen prisouneris, which ben noble among the apostlis, and whiche weren bifor me in Crist. Romans 16:8 Grete wel Ampliate, most dereworth to me in the Lord. Romans 16:9 Grete wel Vrban, oure helpere in Crist Jhesus, and Stacchen, my derlyng. Romans 16:10 Grete wel Appellem, the noble in Crist. Grete wel hem that ben of Aristoblis hous. Romans 16:11 Grete wel Erodion, my cosyn. Grete wel hem that ben of Narciscies hous, that ben in the Lord. Romans 16:12 Grete wel Trifenam and Trifosam, whiche wymmen trauelen in the Lord. Grete wel Persida, most dereworthe womman, that hath trauelid myche in the Lord. Romans 16:13 Grete wel Rufus, chosun in the Lord, and his modir, and myn. Romans 16:14 Grete wel Ansicrete, Flegoncia, Hermen, Patroban, Herman, and britheren that ben with hem. Romans 16:15 Grete wel Filologus, and Julian, and Nereum, and his sistir, and Olympiades, and alle the seyntis that ben with hem. Romans 16:16 Grete ye wel togidere in hooli coss. Alle the chirches of Crist greten you wel.

and adviseth them to take heed of those which cause dissension and offences:

Romans 16:17 But, britheren, Y preye you, that ye aspie hem that maken discenciouns and hirtyngis, bisidis the doctryne that ye han lerned, and bowe ye awei fro hem. Romans 16:18 For suche men seruen not to the Lord Crist, but to her wombe, and bi swete wordis and blessyngis disseyuen the hertis of innocent men. Romans 16:19 But youre obedience is pupplischid in to euery place, therfor Y haue ioye in you. But Y wole that ye be wise in good thing, and symple in yuel. Romans 16:20 And God of pees tredde Sathanas vndur youre feet swiftli. The grace of oure Lord Jhesu Crist be with you.

and, after their sundry salutations, endeth with praise and thanks to God.

Romans 16:21 Tymothe, myn helpere, gretith you wel, and also Lucius, and Jason, and Sosipater, my cosyns. Romans 16:22 Y Tercius grete you wel, that wroot this epistle, in the Lord. Romans 16:23 Gayus, myn oost, gretith you wel, and al the chirche. Erastus, tresorere of the city, gretith you wel, and Quartus brother. Romans 16:24 The grace of oure Lord Jhesu Crist be with you alle. Romans 16:25 Amen. And onour and glorie be to hym, that is myyti to conferme you bi my gospel, and prechyng of Jhesu Crist, bi the reuelacioun of mysterie holdun stylle in tymes euerlastinge; Romans 16:26 which mysterie is now maad opyn bi scripturis of prophetis, bi the comaundement of God with outen bigynnyng and endyng, to the obedience of feith in alle hethene men, the mysterie Romans 16:27 knowun bi Jhesu Crist to God aloone wiss, to whom be onour and glorie in to worldis of worldis. Amen.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!