Wycliffe Bible

Song of Songs 4

Christ setteth forth the graces of the Church.

Song of Songs 4:1 Mi frendesse, thou art ful fair; thin iyen ben of culueris, with outen that that is hid with ynne; thin heeris ben as the flockis of geete, that stieden fro the hil of Galaad. Song of Songs 4:2 Thi teeth ben as the flockis of clippid sheep, that stieden fro waischyng; alle ben with double lambren, and no bareyn is among tho. Song of Songs 4:3 Thi lippis ben as a reed lace, and thi speche is swete; as the relif of an appil of Punyk, so ben thi chekis, with outen that, that is hid with ynne. Song of Songs 4:4 Thi necke is as the tour of Dauid, which is bildid with strengthis maad bifore for defense; a thousynde scheldis hangen on it, al armure of stronge men. Song of Songs 4:5 Thi twei tetis ben as twey kidis, twynnes of a capret, that ben fed in lilies, Song of Songs 4:6 til the dai sprynge, and shadewis ben bowid doun. Y schal go to the mounteyn of myrre, and to the litil hil of encense. Song of Songs 4:7 My frendesse, thou art al faire, and no wem is in thee.

He sheweth his love to her.

Song of Songs 4:8 My spousesse, come thou fro the Liban; come thou fro the Liban, come thou; thou schalt be corowned fro the heed of Amana, fro the cop of Sanyr and Hermon, fro the dennys of liouns, fro the hillis of pardis. Song of Songs 4:9 My sister spousesse, thou hast woundid myn herte; thou hast woundid myn herte, in oon of thin iyen, and in oon heer of thi necke. Song of Songs 4:10 My sistir spousesse, thi tetis ben ful faire; thi tetis ben feirere than wyn, and the odour of thi clothis is aboue alle swete smellynge oynementis. Song of Songs 4:11 Spousesse, thi lippis ben an hony coomb droppynge; hony and mylk ben vndur thi tunge, and the odour of thi clothis is as the odour of encence. Song of Songs 4:12 Mi sister spousesse, a gardyn closid togidere; a gardyn closid togidere, a welle aseelid. Song of Songs 4:13 Thi sendingis out ben paradis of applis of Punyk, with the fruytis of applis, cipre trees, with narde; Song of Songs 4:14 narde, and saffrun, an erbe clepid fistula, and canel, with alle trees of the Liban, myrre, and aloes, with alle the beste oynementis. Song of Songs 4:15 A welle of gardyns, a pit of wallynge watris, that flowen with fersnesse fro the Liban.

The Church prayeth to be made fit for his presence.

Song of Songs 4:16 Rise thou north wynd, and come thou, south wynd; blowe thou thorouy my gardyn, and the swete smellynge oynementis therof schulen flete.

Download these eBooks in Deluxe
Strong's Concordance & Cross-Referenced Student's Editions!

Leave Your Comments Here!

 

Be a Facebook Fan!
Search Bibles by: All Words Any Word Exact Phrase 2012 OldeBible.com

John Wycliffe Bible Interlinear KJV with Strongs ConcordanceDOWNLOAD this eBookNew offer..
Amazon Kindle
Amazon Kindle devices
!
Apple iBookstore
Apple iPad/iPhone/iPod
!
Barnes & Noble Nook
Barnes & Noble Nook
!